ଦୁର୍ଘଟଣାରେ ଜୀବନ ଗଲା

ଟାଙ୍ଗୀ-ଚୌଦ୍ୱାର (ବଡ଼ ଖବର ବ୍ୟୁରୋ): ଚୌଦ୍ୱାର ଥାନା ଅନ୍ତର୍ଗତ କୟଳପଡ଼ା ପଞ୍ଚାୟତ ନୂଆପାଟଣା ନିକଟରେ ଗତକାଲି ବିଳମ୍ବିତ ରାତିରେ ଅଜଣା ଗାଡ଼ି ଧକ୍କାରେ ଜଣେ ଯୁବକଙ୍କ ମୃତ୍ୟୁ ହୋଇଛି । ଅନ୍ୟ ଜଣେ ଗୁରୁତର ହୋଇଛନ୍ତି। ଢ଼େଙ୍କାନାଳରୁ କଟକ ଯାଉଥିବା ଏକ ଟ୍ରକ ନୂଆପାଟଣା ନିକଟରେ ଆକ୍ଟିଭାକୁ ଧକ୍କା ଦେଇ ପଳାଇଥିଲା । ଆକ୍ଟିଭାରେ ଯାଉଥିବା ବ୍ୟକ୍ତି କଟକ ବକ୍ସିବଜାର ଅଞ୍ଚଳର ସର୍ବରାଇ ସିଂହ (୩୫ )ଙ୍କର ଘଟଣାସ୍ଥଳରେ ମୃତ୍ୟୁ ଘଟିଥିବାବେଳେ ତାଙ୍କ ସାଙ୍ଗରେ ଥିବା ଦୀପକ ସିଂହ( ୫୪ )ଗୁରୁତର ହୋଇଛନ୍ତି । ଘଟଣାସ୍ଥଳରେ ଚୌଦ୍ୱାର ପୋଲିସ ପହଞ୍ଚି ମୃତ୍ୟୁ ଓ ଗୁରୁତରଙ୍କୁ କଟକ ବଡ଼ ମେଡିକାଲକୁ ପଠାଇଥିଲା । ତଦନ୍ତ ଜାରି ରଖିଛି ବୋଲି ଚୌଦ୍ୱାର ଥାନା ଅଧିକାରୀ ବିରଞ୍ଚିନାରାୟଣ ପତି କହିଛନ୍ତି ।