କିନ୍ତୁ ସବୁ ଜାତି ଏବଂ ଧର୍ମରେ ଲୋକଙ୍କୁ ସୁରକ୍ଷା ଦେବା ଆମର କର୍ତ୍ତବ୍ୟ: ଅଜିତ ପାୱାର
ମୁମ୍ବାଇ (ବଡ଼ ଖବର ବ୍ୟୁରୋ): ରାଜନୀତିରେ ସବୁବେଳ ପାଇଁ ନା କିଏ ଶତ୍ରୁ ହୋଇ ରହିବ ନା ମିତ୍ର । ଇଏ ହେଉଛି ରାଜନୀତି ବୋଲି ମହାରାଷ୍ଟ୍ର ଉପମୁଖ୍ୟମନ୍ତ୍ରୀ ଅଜିତ ପାୱାର କହିଛନ୍ତି । ଅଜିତ କହିଛନ୍ତି ଯେ ଲୋକଙ୍କ ସମସ୍ୟାର ସମାଧାନ ପାଇଁ ସେ ଶିବସେନାର ବିଜେପି-ସିନ୍ଦେ ଦଳ ମିଳିତ ମଞ୍ଚରେ ଯୋଗ ଦେଇଛନ୍ତି। ଅଜିତ ପାୱାର କହିଛନ୍ତି ଯେ ରାଜନୀତିରେ ସ୍ଥାୟୀ ଶତ୍ରୁ ନା ସ୍ଥାୟୀ ମିତ୍ର ନାହାନ୍ତି। ତେଣୁ ଅଜିତ ରାଜ୍ୟର ବିକାଶ ପାଇଁ ମିଳିତ ମଞ୍ଚରେ ଯୋଗଦେବାକୁ ନିଷ୍ପତ୍ତି ନେଇଥିବା କହିଛନ୍ତି ।
ଅଜିତ ପାୱାର ବିଡରେ ଏକ ସମାବେଶକୁ ସମ୍ବୋଧିତ କରି କହିଛନ୍ତି ଆମେ ମହାରାଷ୍ଟ୍ରର ସମସ୍ତଙ୍କୁ ଜଣାଇବାକୁ ଚାହୁଁଛୁ ଯେ ଯଦିଓ ଆମେ ବିଜେପି ଏବଂ ଶିବସେନାର ସିନ୍ଦେ ଦଳର ମିଳିତ ମଞ୍ଚରେ ଅଛୁ , କିନ୍ତୁ ସବୁ ଜାତି ଏବଂ ଧର୍ମରେ ଲୋକଙ୍କୁ ସୁରକ୍ଷା ଦେବା ଆମର କର୍ତ୍ତବ୍ୟ । ବିଡ୍ ହେଉଛି ଅଜିତ ପାୱାର ସମର୍ଥକ ଧନଞ୍ଜୟ ମୁଣ୍ଡେଙ୍କ ଘରୋଇ ନିର୍ବାଚନମଣ୍ଡଳୀ । ଏନସିପିରେ ବିଦ୍ରୋହ ସମୟରେ ଧନଞ୍ଜୟ ମୁଣ୍ଡେ ଅଜିତ ପାୱାରଙ୍କୁ ସମର୍ଥନ କରିଥିଲେ ଏବଂ ତାଙ୍କୁ ମହାରାଷ୍ଟ୍ର ସରକାରରେ କୃଷି ମନ୍ତ୍ରୀ କରାଯାଇଛି। ଜାତୀୟତାବାଦୀ କଂଗ୍ରେସ ମୁଖ୍ୟ ଶରଦ ପାୱାର ମଧ୍ୟ କିଛି ଦିନ ପୂର୍ବରୁ ବିଡରେ ଏକ ରାଲି କରିଥିଲେ।