ବିନା ପରୀକ୍ଷାରେ ସବୁ ପାସ

ଭୁବନେଶ୍ୱର (ବଡ଼ ଖବର ବ୍ୟୁରୋ): ଖୋଲିବନି ସ୍କୁଲ । ପଢା ହେବନି ପାଠ । ପିଲା ଦେବେନି ପରୀକ୍ଷା । ବିନା ପରୀକ୍ଷାରେ ପ୍ରଥମରୁ ଅଷ୍ଟମ ଶ୍ରେଣୀର ସବୁ ପିଲା ପାସ । ଏଭଳି ମନ୍ତବ୍ୟ ରଖିଛନ୍ତି ସ୍କୁଲ ଓ ଗଣଶିକ୍ଷା ମନ୍ତ୍ରୀ ସମୀର ରଂଞ୍ଜନ ଦାଶ । ଅନ୍ୟପଟେ ନବମ ଶ୍ରେଣୀର ପିଲାମାନଙ୍କର ପରୀକ୍ଷା ଅଫ ଲାଇନରେ ହେବ ବୋଲି ଘୋଷଣା କରିଛନ୍ତି ମନ୍ତ୍ରୀ । ସେହିପରି ଦଶମ ଶ୍ରେଣୀ ବୋର୍ଡ ପରୀକ୍ଷା ଆସନ୍ତା ମେ ୩ରୁ ଆରମ୍ଭ ହେବ ।

ଯାହାକି ମେ ୧୮ ପର୍ଯ୍ୟନ୍ତ ଚାଲିବ । ଦେଶର ବିଭିନ୍ନ ରାଜ୍ୟରେ ପୁଣି ଲାଗିଲାଣି ଲକଡାଉନ । ଓଡିଶାରେ କରୋନାର ଦ୍ୱିତୀୟ ଲହର ନାହିଁ ବୋଲି କହିଛନ୍ତି ରାଜ୍ୟ ସ୍ୱାସ୍ଥ୍ୟମନ୍ତ୍ରୀ ନବ ଦାସ । ମାତ୍ର ଅନ୍ୟରାଜ୍ୟରୁ ଓଡିଶା ଆସୁଥିବା ଲୋକଙ୍କୁ ନେଇ ବଢୁଛି ଭୟ । ଆଗକୁ ହୋଇପାରେ ଲକଡାଉନ । ଏହାକୁ ଦୃଷ୍ଟିରେ ରଖି ସରକାର ପ୍ରଥମରୁ ଅଷ୍ଟମ ପର୍ଯ୍ୟନ୍ତ ସବୁ ପିଲାଙ୍କୁ ପାସ ଘୋଷଣା କରିଛନ୍ତି । ଅନ୍ୟପଟେ ୨୦୨୧-୨୨ ଶିକ୍ଷାବର୍ଷ ଲାଗି ଆସନ୍ତା ଜୁନରେ ଆରମ୍ଭ ହୋଇପାରେ ପାଠପଢା ।