ଭୁବନେଶ୍ୱର(ବଡ଼ ଖବର ବ୍ୟୁରୋ): ଦୁଃଖ ଏମିତି ବି ଆମେ । ଏତେ ନିଷ୍ଠୁର ହୋଅଆସେ । ବିଶିଷ୍ଟ ଶିଳ୍ପୀ, ପଦ୍ମବିଭୂଷଣ ରଘୁନାଥ ମହାପାତ୍ରଙ୍କ ପରିବାରରେ ଏମିତି ଦାରୁଣ ଦୁଃଖ ଆସିଛି, ଯିଏ ଶୁଣୁଛି ସେ ହତବାକ ହୋଇଯାଉଛି । ୧୨ ଦିନ ତଳେ କରୋନାରେ ରଘୁନାଥଙ୍କ ବିୟୋଗ ହୋଇଥିଲା । ସାରା ରାଜ୍ୟ ପାଇଁ ତାହା ଥିଲା ଅପୂରଣୀୟ କ୍ଷତି । ଦୁଃଖର କଥା, ବାପାଙ୍କ ଏକାଦଶାହରେ ପୁଅ ପ୍ରଶାନ୍ତ ମହାପାତ୍ରଙ୍କ ପରଲୋକ ହେଲା । ଏ ଦୁଃଖ ସମ୍ଭାଳିବା ପରିବାର ପକ୍ଷେ ଅତ୍ୟନ୍ତ କଷ୍ଟଦାୟକ ଥିଲା । ଏହି କଷ୍ଟ ସବୁ ସୀମା ଲଙ୍ଘିଯାଇଛି । ସାନ ଭାଇର ମୃତ୍ୟୁର ୨୪ ଘଣ୍ଟା ନ ପୂରୁଣୁ ବଡ଼ ଭାଇ ଯଶୋବନ୍ତ ଆଖି ବୁଜିଦେଇଛନ୍ତି । ହତବାକ ହୋଇଯାଇଛି ସମଗ୍ର ରାଜ୍ୟ । ଭଗବାନ କାହିଁକି ଏତେ ନିଷ୍ଠୁର ସାଜିଲେ, କାହିଁକି ପୂରା ପରିବାରକୁ ଉଜାଡି ଦେଲେ । ଈଶ୍ୱରଙ୍କ ଏ ନିଷ୍ଠୁରତା ଅସହ୍ୟ । କେହି କିଛି ବି ବୁଝିପାରୁନାହାନ୍ତି । ଗୋଟିଏ ପରିବାରର ୩ ପୁରୁଷଙ୍କୁ ୧୨ ଦିନରେ ମୃତ୍ୟୁ ଶଯ୍ୟାରେ ଶଆଇ ଦେଇଛି ମହାମାରୀ । ଜଗତର ନାଥ ତାଙ୍କ ପରିବାରକୁ ଏ ଦୁର୍ଦ୍ଦଶା ସହିବାର ଶକ୍ତି ଦିଅନ୍ତୁ, ଏହା ସମସ୍ତଙ୍କ ପ୍ରାର୍ଥନା ।
