ଆର୍ୟନଙ୍କ ବେଲ୍ ଶୁଣାଣୀ ୧୧ଟାରେ
ମୁମ୍ବାଇ (ବଡ଼ ଖବର ବ୍ୟୁରୋ): କ୍ରୁଜରେ ରେଭ ପାର୍ଟିରୁ ଡ୍ରଗ୍ସ ଜବତ ମାମଲା । ଗିରଫ ଜୁନିଅର କିଙ୍ଗ ଖାନଙ୍କର ବେଲ ଆବେଦନର ଶୁଣାଣୀ ଦିନ ୧୧ ଟାରେ । ଜାମିନ ଆବେଦନ ଉପରେ ରାୟ ପ୍ରକାଶ କରିବେ ମୁମ୍ବାଇ ମେଟ୍ରୋପଲିଟାନ୍ କୋର୍ଟ । ଗତକାଲି ଏନସିବି ହେଡ୍ କ୍ୱାର୍ଟର୍ସରେ ରାତି କାଟିଥିଲେ ଆର୍ୟନ୍ ଖାନ୍ ଓ ଅନ୍ୟ ୭ ଅଭିଯୁକ୍ତ । ଗତକାଲି ସେମାନଙ୍କର ରିମାଣ୍ଡ ଅବଧି ଶେଷ ହୋଇଥିଲା । ଏହାପରେ ଅଭିଯୁକ୍ତଙ୍କୁ କୋର୍ଟରେ ହାଜର କରିଥିଲା ଏନସିବି ।
୧୧ ଯାଏ ରିମାଣ୍ଡରେ ନେବାକୁ ଅପିଲ ହୋଇଥିଲେ ବି କୋର୍ଟ ଅନୁମତି ଦେଇ ନଥିଲେ । ଫଳରେ ସେମାନଙ୍କୁ ବିଚାରବିଭାଗୀୟ ହାଜତକୁ ପଠାଇ ଦିଆଯାଇଥିଲା । ଏପର୍ଯ୍ୟନ୍ତ ମୁମ୍ବାଇ କ୍ରୁଜ୍ ଡ୍ରଗ୍ସ କେସରେ ଏଯାଏ ୧୭ ଜଣଙ୍କୁ ଗିରଫ କରାଯାଇଛି । ଏମାନଙ୍କ ଭିତରେ ଜଣେ ବିଦେଶୀ ନାଗରିକ ବି ଅଛନ୍ତି । ସେହିପରି ରାଉରକେଲାର ଦୁଇ ଜଣ ଓଡ଼ିଆ ମନୀଷ ରାଜଗରିଆ ଓ ଅଭିନ୍ ଦିନନାଥ ସାହୁଙ୍କୁ ବି ଗିରଫ କରି ହେପାଜତରେ ନେଇଛି ଏନସିବି ।