![](https://i0.wp.com/badakhabar.in/wp-content/uploads/2020/10/WhatsApp-Image-2020-10-15-at-00.46.16.jpeg?fit=1040%2C488&ssl=1)
ବ୍ରହ୍ମପୁର (ବଡ଼ ଖବର ବ୍ୟୁରୋ): ଆଶ୍ୱୀନ ମାସ ଆସିଲେ ଗଞ୍ଜାମ ଜିଲ୍ଲାରେ ଜୁଆଡିମାନେ ସକ୍ରିୟ ହୋଇପଡିଥାନ୍ତି । ଗାଁଠୁ ଆରମ୍ଭକରି ସହରରେ ଯୁଆଡିମାନେ ଖୁଲମଖୁଲା ଜୁଆଖେଳ ଆରମ୍ଭ କରିଦିଅନ୍ତି । କେଉଁଠି ପୋଲିସର ଜାଣତରେ ଖେଳାଯାଏ ତ ଆଉ କୋଉଠି ଲୁଚିଛପି । ଯିଏ ପୋଲିସକୁ ମୁନାଫା ଦିଏ ସେ ଖସିଯାଏ ନହେଲେ ବିପଦ ଆସିଯାଏ । ପ୍ରତିଦିନ ଗଞ୍ଜାମ ଜିଲ୍ଲାର ବିଭିନ୍ନ ସ୍ଥାନରେ ଚଢ଼ଉ କରି ଅନେକ ବ୍ୟକ୍ତିଙ୍କୁ ଗିରଫ କରୁଛି ପୋଲିସ ।
ଏଭଳି ବ୍ରହ୍ମପୁର ସହର ବଡ ବଜାର ଥାନା ଅନ୍ତର୍ଗତ ଲକ୍ଷ୍ମୀବିହାର ଚତୁର୍ଥ ଲାଇନରେ ଏକ ବଡଧରଣର ଜୁଆଆଡ୍ଡା ଉପରେ ଚଢଉ କରିଛି ଗୋଷଣିନୂଆଗାଁ ପୋଲିସ । ଚଢାଉ ବେଳେ କିଛି ମହିଳାଙ୍କ ସମେତ ୧୪ଜଣଙ୍କୁ ଗିରଫ କରିଛି ପୋଲିସ । ସେମାନଙ୍କଠୁ ୧ ଲକ୍ଷ ୭୦ ହଜାର ଟଙ୍କା ଓ ମୋବାଇଲ ଜବତ କରାଯାଇଛି । ଏହି ଗ୍ୟାଙ୍ଗରେ ଅନ୍ୟମାନଙ୍କ ସମ୍ପୃକ୍ତି ନେଇ ପୋଲିସ ଖୋଳତାଡ ଆରମ୍ଭ କରିଛି ।