ପର୍ଯ୍ୟଟକ ମାନଙ୍କ ପାଇଁ ଖୋଲିଲା ଭିତରକନିକା
କେନ୍ଦ୍ରାପଡ଼ା (ବଡ଼ ଖବର ବ୍ୟୁରୋ): ଆଜିଠାରୁ ପର୍ଯ୍ୟଟକ ମାନଙ୍କ ପାଇଁ ଖୋଲିଲା ଭିତରକନିକା ଜାତୀୟ ଉଦ୍ୟାନ । କୁମ୍ଭୀର ପ୍ରଜନନ ପାଇଁ ୩ ମାସ ଧରି ବନ୍ଦ ରହିବା ପରେ ଭିତରକନିକା ଖୋଲୁଥିବାରୁ ପର୍ୟ୍ୟଟକ ଙ୍କ ମଧ୍ୟରେ ବେଶ ଉତ୍ସାହ ।
ଏହି କୁମ୍ଭୀର ପ୍ରଜନନ ସମୟରେ କୁମ୍ଭୀର ମାନେ ହିଂସ୍ର ରହୁଥିବାରୁ ପର୍ଯ୍ୟଟକ ମାନଙ୍କ ସୁରକ୍ଷା ପାଇଁ ଭିତରକନିକା ବନ୍ଦ ରହିଥାଏ । ଅପରପକ୍ଷରେ ଆଜି ଭିତରକନିକା ଖୋଲୁଥିବାରୁ ପର୍ଯ୍ୟଟକଙ୍କୁ ସ୍ବାଗତ କରିବା ପାଇଁ ବନବିଭାଗ ମଧ୍ୟ ପ୍ରସ୍ତୁତ । ଭିତରକନିକାର ପ୍ରାକୃତିକ ସୌନ୍ଦର୍ୟ୍ୟକୁ ବୁଲି ଦେଖିବାକୁ ହେଲେ ତିନୋଟି ଜଳପଥ ପ୍ରବେଶ ଦ୍ଵାର ଗୁପ୍ତି, ଖୋଳା, ଚାନ୍ଦବାଲି ରହିଛି ଓ ସ୍ଥଳ ପଥ ଦେଇ ଡାଙ୍ଗମାଳ ମୁଖ୍ୟ ଫାଟକ ଦେଇ ପର୍ଯ୍ୟଟକ ପ୍ରବେଶ କରି ନୈବିହାର କରି ଭିତରକନିକା ବୁଲିପାରିବେ ।