‘ବିଜେପି ବିରୋଧୀ ଦଳର ସରକାରଙ୍କୁ ଭାଙ୍ଗିବାକୁ ଚେଷ୍ଟାକରୁଛି’

ମୁମ୍ବାଇ(ବଡ଼ ଖବର ବ୍ୟୁରୋ): ମହାରାଷ୍ଟ୍ରରେ ରାଜନୈତିକ ଅସ୍ଥିରତା ମଧ୍ୟରେ ରାଜ୍ୟସଭା ସାଂସଦ କପିଲ ସିବଲ ବିଜେପି ବିରୋଧରେ ଗୁରୁତର ଅଭିଯୋଗ ଆଣିଛନ୍ତି। ବିଜେପି ବିରୋଧୀ ଦଳର ସରକାରଙ୍କୁ ଭାଙ୍ଗିବାକୁ ଚେଷ୍ଟାକରୁଥିବା ଅଭିଯୋଗ କରିଛନ୍ତି ସିବଲ। ଏହି ମାମଲାରେ ସୁପ୍ରିମକୋର୍ଟଙ୍କ ହସ୍ତକ୍ଷେପ ଲୋଡିଛନ୍ତି କପିଲ।ସିବଲ ଏକ ଟୁଇଟ୍ରେ ଲେଖିଛନ୍ତି ଯେ ‘ବିଜେପି ନିର୍ବାଚିତ ହୋଇଥିବା ବିରୋଧୀ ଦଳର ସରକାରଙ୍କୁ ଅସ୍ଥିର କରୁଛି।

ସୁପ୍ରିମକୋର୍ଟ ଏଥିପ୍ରତି ଧ୍ୟାନ ଦେବା ଉଚିତ୍। କପିଲ ସିବଲଙ୍କ ଏହି ବିବୃତ୍ତି ଏହି ସମୟରେ ସାମ୍ନାକୁ ଆସିଛି ଯେତେବେଳେ ମହାରାଷ୍ଟ୍ରରେ ଏନସିପି ଭାଙ୍ଗି ଦୁଇଫାଳ ହୋଇଯାଇଛି । ଅଜିତ ପାୱାର ରବିବାର ୮ ଜଣ ବିଧାୟକଙ୍କ ସହ ଶିବସେନା-ବିଜେପି ସରକାରଙ୍କୁ ସମର୍ଥନ ଜଣାଇଛନ୍ତି।