ବିରୋଧୀଙ୍କ ପାଖରେ କୌଣସି ମୁଦ୍ଦା ନାହିଁ ତେଣୁ ସେମାନେ ଅପ ପ୍ରଚାରରେ ମାତିଛନ୍ତି: ପ୍ରଶାନ୍ତ ମୁଦୁଲି

ଭୁବନେଶ୍ୱର (ବଡ଼ ଖବର ବ୍ୟୁରୋ):  ନିର୍ବାଚନକୁ ନେଇ ମୟୂରଭଞ୍ଜ ପର୍ଯ୍ୟବେକ୍ଷକ ପ୍ରଶାନ୍ତ ମୁଦୁଲିଙ୍କ ପ୍ରତିକ୍ରିୟା । କହିଛନ୍ତି ନିର୍ବାଚନ ଯେଉଁ ମୁହୂର୍ତ୍ତରେ ହେଲେ ବି ବିଜେଡି ପ୍ରସ୍ତୁତ । ଆମର ସାଙ୍ଗଠନିକ ପ୍ରକ୍ରିୟା ତୃଣମୂଳସ୍ତର ଠୁ ନେଇ ରାଜ୍ୟ ପର୍ଯ୍ୟନ୍ତ ଚାଲିଛି । ବିଜୁ ଜନତା ଦଳ ସବୁବେଳେ ଲୋକଙ୍କ ସହିତ ଅଛି । ବିକାଶର ମୁଦ୍ଦାକୁ ନେଇ ବିଜେଡି ତାର କାର୍ଯ୍ୟକ୍ରମ ପ୍ରସ୍ତୁତ କରିଛି । ଗ୍ରାଉଣ୍ଡକୁ ଯାଇ କାମ କର ମୁଖ୍ୟମନ୍ତ୍ରୀ ନିଦେ୍ର୍ଦଶ ରହିଛି।

ସରକାରୀ ଯୋଜନା ବିଷୟରେ ଲୋକଙ୍କୁ ବୁଝାଇବାକୁ ବି ନିର୍ଦ୍ଦେଶ ଦେଇଛନ୍ତି ମୁଖ୍ୟମନ୍ତ୍ରୀ । ବିରୋଧୀଙ୍କ ପାଖରେ କୌଣସି ମୁଦ୍ଦା ନାହିଁ ତେଣୁ ସେମାନେ ଅପ ପ୍ରଚାରରେ ମାତିଛନ୍ତି । ଅପ ପ୍ରଚାର ସବୁବେଳେ ଅପ ପ୍ରଚାର । ସେଥିରେ କୌଣସି ସତ୍ୟତା ନାହିଁ । ସମ୍ପୂର୍ଣ୍ଣ ଅମୂଳକ ଓ ଅବାସ୍ତବ ପ୍ରସଙ୍ଗ ଉଠାଉଛନ୍ତି ବିରୋଧୀ । ବିରୋଧୀ କଣ କହୁଛନ୍ତି ସେଥିରେ ବିଜେଡି ବିବ୍ରତ କି ବିଚଳିତ ନୁହେଁ ।