ବାଲେଶ୍ୱରରେ ଏସପି ଅଫିସ ଘେରିଲା ବିଜେପି

ବାଲେଶ୍ୱର(ବଡ଼ ଖବର ବ୍ୟୁରୋ): ବାଲେଶ୍ୱରରେ ଏସପି ଅଫିସ ଘେରିଲା ବିଜେପି । ପ୍ଲାକାର୍ଡ ଧରି ବିକ୍ଷୋଭ ପ୍ରଦର୍ଶନ କରିଛି । ରାଜ୍ୟରେ ଆଇନ ଶୃଙ୍ଖଳା ବିପର୍ୟ୍ୟସ୍ତ କୁ ନେଇ ଗତ ୨୮ ତାରିଖ ରେ ବିଜେପି ଯୁବ ମୋର୍ଚ୍ଚା ବିଧାନସଭା ଘେରିବାକୁ ଯାଇଥିବା ବେଳେ ଭୁବନେଶ୍ଵର ଲୋୟର ପିଏମଜି ଠାରେ ପୋଲିସର ଆକ୍ରମଣରେ ଶିକାର ହୋଇଥିଲେ ବିଜେପି ଯୁବ ମୋର୍ଚ୍ଚା ର ହଜାର ହଜାର କର୍ମୀ ।

ଯୁବ ମୋର୍ଚ୍ଚା ପ୍ରତିବାଦ କୁ ରୋକିବା ପାଇଁ ପୋଲିସ ଉଦ୍ୟମ କରିବା ସମୟର ଯୁବମୋର୍ଚ୍ଚା ଓ ପୋଲିସ ମଧ୍ୟରେ ହୋଇଥିଲା ଧସ୍ତାଧସ୍ତି । ପିଏମଜି ପାଲଟିଥିଲା ରଣକ୍ଷେତ୍ର । ରାଜ୍ୟ ପୋଲିସର ବର୍ବରତା କୁ ନେଇ ଡିଜି ଓଡ଼ିଶା ଓ ଟୁଇନ ସିଟି ପୋଲିସ ଅଧିକାରୀଙ୍କ ଉପରେ କାର୍ଯ୍ୟାନୁଷ୍ଠାନ ନେଇ ରାଜ୍ୟ ବିଭିନ୍ନ ସମସ୍ତ ଜିଲ୍ଲା ଏସପି କାର୍ଯ୍ୟାଳୟକୁ ଆଜି ଘେରିଛି ବିଜେପି ।