‘ଏଠି ଜଙ୍ଗଲ ରାଜ ଚାଲିଛି’

ସମ୍ବଲପୁର  (ବଡ଼ ଖବର ବ୍ୟୁରୋ): ସମ୍ବଲପୁର ସାମ୍ପ୍ରଦାୟିକ ହିଂସା ଘଟଣାରେ ଆଜି କେନ୍ଦ୍ରୀୟ ବିଜେପିର ଏକ ଟିମ ସ୍ୱର୍ଗତଃ ଚନ୍ଦ୍ର ମିର୍ଧାଙ୍କ ଘର ଝାରମୁଡ଼ା ଆସିଥିଲେ । ହେଲେ ଘରେ ତାଲା ପଡ଼ିଥିବାରୁ ଏହି ଟିମ ପାଖପଡ଼ୋଶୀଙ୍କ ଠାରୁ ସେମାନଙ୍କ ସମ୍ପର୍କରେ ବୁଝିବା ସହ ହତ୍ୟାକାଣ୍ଡ ଘଟିଥିବା ସ୍ଥାନକୁ ପରିଦର୍ଶନ କରିଥିଲେ ।

କେନ୍ଦ୍ର ଗୃହ ବିଭାଗ ପାର୍ଲିଆମେଣ୍ଟ କମିଟି ଚେୟାରମ୍ୟାନ ସାଂସଦ ବ୍ରିଜ ଲାଲଙ୍କ ନେତୃତ୍ୱରେ ଆସିଥିବା ଟିମ ଏହି ଘଟଣାରେ ଆହତ ବ୍ୟକ୍ତିଙ୍କୁ ସାକ୍ଷାତ କରି ଘଟଣା ସମ୍ପର୍କରେ ପଚାରି ବୁଝିଥିଲେ । ସେ କହିଛନ୍ତି ଚନ୍ଦ୍ର ମିର୍ଧାଙ୍କ ହତ୍ୟା , ହତ୍ୟା ନୁହେଁ ଜଘନ୍ୟ ହତ୍ୟା । ବିଜେଡି ତୁଷ୍ଟିକରଣ ରାଜନୀତି କରୁଛି । ଯାଞ୍ଚରେ ବି ବାଧା ଦେଉଛନ୍ତି । ଏଠି ଜଙ୍ଗଲ ରାଜ ଚାଲିଛି ।