ପାରାଦୀପ (ବଡ଼ ଖବର ବ୍ୟୁରୋ): ପାରାଦୀପ ବନ୍ଦର ନିଷିଦ୍ଧାଞ୍ଚଳରେ ଏକ ବଡ଼ ଅଘଟଣରୁ ଅଳ୍ପକେ ବର୍ତ୍ତିଛନ୍ତି କିଛି କର୍ମଚାରୀ। ବନ୍ଦରର ଏମସିଏଚପି ପ୍ଲଟ ନିକଟରେ ଏକ ବୋଲେରୋକୁ ଏକ କୋଇଲା ଟ୍ରେନ ଧକ୍କା ଦେବା ସହିତ ପାଖାପାଖି ୨୦ ମିଟରରୁ ଉର୍ଦ୍ଧ୍ବ ବାଟ ଘୋଷାଡି ନେଇଛି। ଅଳ୍ପକେ ବର୍ତ୍ତି ଯାଇଛନ୍ତି ବୋଲେରୋ ଯାତ୍ରୀ ଓ ଡ଼୍ରାଇଭର। ଏମସିଏଚପି ବର୍ଥ ନିକଟ ରେଲୱେ ଲାଇନକୁ ଏକ ବୋଲେରୋ ପାସ୍ କରୁଥିବା ବେଳେ ଟ୍ରେନଟି ଧକ୍କା ଦେଇଥିଲା। ବୋଲେରୋ ଚାଳକଙ୍କ ଅନ୍ୟମନସ୍କତା କିମ୍ବା ଭୁଲ ବଶତଃ ଟ୍ରେନ ଗଡିଯିବାରୁ ଏଭଳି ଘଟଣା ଘଟିଛି ତାହା ସ୍ପଷ୍ଟ ହୋଇନାହିଁ। ତେବେ ବୋଲେରୋରେ ଥିବା ସମସ୍ତ କର୍ମଚାରୀ ସୁରକ୍ଷିତ ଥିବା ସୂଚନା ମିଳିଛି।
