କଟକଣା ଭିତରେ ରଜ ସଂକ୍ରାନ୍ତି ପାଳନ

ଭୁବନେଶ୍ୱର(ବଡ଼ ଖବର ବ୍ୟୁରୋ): ଆଜି ହେଉଛି ରଜର ଦ୍ୱିତୀୟ ଦିନ ଅର୍ଥାତ ରଜ ସଂକ୍ରାନ୍ତି । କରୋନାର ୨ୟ ଲହର ଚାଲିଥବା ଯୋଗୁଁ ଏଥର ଫିକା ପଡିଛି ଗଣପର୍ବ ରଜ । ପ୍ରତିବର୍ଷ ଗାଁ ଠୁ ସହର ସବୁଠି ଦେଖିବାକୁ ମିଳିଥାଏ ଖୁସିର ଲହର । ରଜ ଝିଅମାନଙ୍କର ଏକ ବଡପର୍ବ ହୋଇଥିଲେ ବି କରୋନା ମହାମାରୀ ଭୟ ଯୋଗୁଁ କେହି ଏକାଠି ହୋଇପାରୁନାହାନ୍ତି ।ତେବେ ଭୁବନେଶ୍ୱର ଉପକଣ୍ଠ ବାଲିଅନ୍ତା ବ୍ଲକ ଉମାଦେଇ ବ୍ରହ୍ମପୁର ପଞ୍ଚାୟତ ନାଗପୁର ଗ୍ରାମରେ ନିଜ ଘର ବାହାରେ ଲାଗିଥିବା ଦୋଳିରେ ପରିବାର ଲୋକ ଏବଂ ଅଳ୍ପ କେତେକ ସାଙ୍ଗ ମାନଙ୍କ ଗହଣରେ ରଜ ପାଳନ କରୁଛନ୍ତି |

ତାସହ ସାମାଜିକ ଦୂରତା ରକ୍ଷା କରିବା ସହ ମୁହଁରେ ମାସ୍କ ଲଗାଇ ଖେଳୁଛନ୍ତି । ସେଥିପାଇଁ ଝିଅ ମାନଙ୍କ ମନ ଦୁଃଖରେ ଭାଙ୍ଗି ପଡିଛି । ହେଲେ ପିଠାପଣା ,ପାନଭଙ୍ଗା ଓ ରଜଦୋଳିର ପରମ୍ପରାକୁ ବଜାଇ ରଖିବାକୁ ଚେଷ୍ଟା କରିଛନ୍ତି ଓଡିଆ ଘରର ଝିଅମାନେ । ରଜ ଗୀତ ଗାଇ ନିଜ ଗାଁରେ ଦୋଳି ଖେଳି ମନ ବୁଝାଉଛନ୍ତି । ଘର ଘର ବୁଲି ପିଠା ଖାଇବା ଏବଂ ଗାଁ ରୁ ଗାଁ ସାଙ୍ଗ ହୋଇ ବୁଲିବା ସବୁ ବନ୍ଦ ହୋଇଯାଇଛି ।ତେବେ କରୋନା ମହାମାରୀ କାରଣରୁ ଫିକା ପଡିଛି ଏହି ଗଣପର୍ବ ରଜ ।