ଶଙ୍ଖ ଛାଡି ହାତ ଧରିଲେ ଶତାଧିକ କର୍ମୀ
ଚାନ୍ଦବାଲି (ବଡ଼ ଖବର ବ୍ୟୁରୋ): ବିଗତ ଦିନରେ ଚାନ୍ଦବାଲି ନିର୍ବାଚନମଣ୍ଡଳି କଂଗ୍ରେସର ଗଡ଼ ଥିଲା ହେଲେ କିଛି କଂଗ୍ରେସ ନେତା ମାନଙ୍କ ପାଇଁ ଚାନ୍ଦବାଲି କଂଗ୍ରେସ ତଳକୁ ଖସି ଆସିଛି । କିନ୍ତୁ ଏଥର ଚାନ୍ଦବାଲି କଂଗ୍ରେସର ବିଜୟର ସ୍ୱାଦ ଚାଖିବା ସୁନିଶ୍ଚିତ ବୋଲି ଏକ ମିଶ୍ରଣ ପର୍ବରେ କହିଛନ୍ତି ବିଧାୟକ ପ୍ରାର୍ଥୀ ଅମୀୟ ମହାପାତ୍ର ।
ଏନେଇ ଧାମରା କୋଇଥୋକୋଲା ଠାରେ କଂଗ୍ରେସ ଏକ ମହା ମିଶ୍ରଣ ପର୍ବ ଅନୁଷ୍ଠିତ ହୋଇ ଯାଇଛି । ଶଙ୍ଖ ଛାଡି ହାତ ଧରିଛନ୍ତି ଶତାଧିକ ନେତା ଓ କର୍ମୀ। ଉକ୍ତ ମିଶ୍ରଣ ପର୍ବରେ ବିଧାୟକ ପ୍ରାର୍ଥୀ ଅମୀୟ ମହାପାତ୍ର, କଂଗ୍ରେସ ନେତା ଦିଗମ୍ବର ଦାସ, କୋଇଥୋକୋଲା ସରପଞ୍ଚ ଓ ଅନେକ ନେତା ଉପସ୍ଥିତ ରହି କର୍ମୀମାନଙ୍କୁ କଂଗ୍ରେସର ଦଳୀୟ ଉତରୀୟ ଦେଇ ସ୍ୱାଗତ କରିଥିଲେ।