ଭାଙ୍ଗିଲା ଚେକଡ୍ୟାମ

0

ସିନାପାଲି(ବଡ଼ ଖବର ବ୍ୟୁରୋ): କଥାରେ ଅଛି ସରକାର କା ମାଲ ଦରିଆ ମେ ଡାଲ । ଯାହାର ନିଚ୍ଛକ ଚିତ୍ର ଦେଖିବାକୁ ମିଳିଛି ନୂଆପଡ଼ା ହାତୀବନ୍ଧା ଗାଁ ରେ ।
ହାତୀବନ୍ଧା ଗାଁ ନିକଟସ୍ଥ କୁସୁମଜୋର ଡ଼ୁମେନ୍ଦ୍ରଘାଟରେ ୨୦୧୯-୨୦ ଆର୍ଥିକ ବର୍ଷରେ ନିର୍ମାଣ ହୋଇଥିଲା ଏକ ଚେକଡ୍ୟାମ । ମନରେଗା ଯୋଜନାରେ ୭ ଲକ୍ଷ ଟଙ୍କା ବ୍ୟୟ ଅଟକଳରେ ବର୍ଷେ ତଳେ ଏହି ଚେକଡ୍ୟାମ ନିର୍ମାଣ କରାଯାଇଥିଲା । ଏଥିରେ ଠିକାଦାର ସାଜିଥିଲେ ଖୋଦ ହାତୀବନ୍ଧା ସରପଞ୍ଚ । ହେଲେ ନିମ୍ନମାନର କାମ ଯୋଗୁ ପ୍ରଥମ ବନ୍ୟାପାଣିରେ ଡ୍ୟାମ ଭାଙ୍ଗିଯାଇଥିବା ଅଭିଯୋଗ ହେଉଛି । ଡ୍ୟାମର ସ୍ପିଲୱେ ଫାଳ ଫାଳ ହୋଇ ଭାଙ୍ଗିଯିବା ଯୋଗୁ ଜଳସେଚନ ହୋଇପାରୁନାହିଁ ।
ଡ୍ୟାମ ଭାଙ୍ଗିଯିବାରୁ ନାଳରେ ପାଣି ରହୁନାହିଁ । ତେଣୁ ଜଳସେଚନକୁ ନେଇ ଚିନ୍ତାରେ ହାତୀବନ୍ଧାର ଚାଷୀ । ରାଜକୋଷରୁ ଖର୍ଚ୍ଚ ହୋଇଥିବା ଲକ୍ଷ ଲକ୍ଷ ଟଙ୍କା ଏହି ହାତୀବନ୍ଧା ଗାଁର ଡୁମେନ୍ଦ୍ରଘାଟର ଚେକଡ୍ୟାମ ଅଲଗା ରୂପ କହୁଥିବାବେଳେ ସ୍ଥାନୀୟ ସରପଞ୍ଚ ନିଜେ ଠିକାଦାର ସାଜି କେମିତି ନିମ୍ନମାନର କାମ କଲେ ତାହା ପ୍ରଶ୍ନବାଚୀ ସୃଷ୍ଟି କରିଛି । ଡୁମେନ୍ଦ୍ରଘାଟର ଉପର ମୁଣ୍ଡରେ ଚେକଡ୍ୟାମ ନିର୍ମାଣ ପାଇଁ ସ୍ଥାନୀୟ ଚାଷୀ କହିଥିଲେ ମଧ୍ୟ ବିଭାଗୀୟ ଅଧିକରୀ କିଛି ଶୁଣିଲେନି ବୋଲି ଚାଷୀମାନେ ଅଭିଯୋଗ କରଛନ୍ତି । ଡ୍ୟାମ ଭାଙ୍ଗିବା ଯୋଗୁ ନା ଡ୍ୟାମ ଉପରେ ପାଣି ଅଛି ନା ଚାଷ କାମରେ ଆସୁଛି । ସେପଟେ ତଦନ୍ତ କରି ଡ୍ୟାମ ପୁନଃ ନିର୍ମାଣ ସହ କାର୍ଯ୍ୟାନୁଷ୍ଠାନ ନିଆଯିବ ବୋଲି ସିନାପାଲି ବିଡ଼ିଓ ଅଫ କ୍ୟାମେରାରେ କହିଛନ୍ତି ।

Leave a Reply

Your email address will not be published. Required fields are marked *