ଭୁବନେଶ୍ୱର, (ବଡ଼ ଖବର ବ୍ୟୁରୋ): ପ୍ରେସମିଟ୍ କରି ଓଡ଼ିଶା ସରକାରଙ୍କ ଉପରେ ପ୍ରବଳ ବର୍ଷିଛନ୍ତି କଂଗ୍ରେସ ପ୍ରଭାରୀ ଡ. ଚେଲା କୁମାର । ଓଡ଼ିଶାରେ ଗଣତନ୍ତ୍ର ନିରୁଦ୍ଦିଷ୍ଟ ବୋଲି ସେ ଅଭିଯୋଗ କରିଛନ୍ତି । ଓଡ଼ିଶାରେ କ୍ୟାବିନେଟ ମନ୍ତ୍ରୀମାନେ ମଧ୍ୟ ମୁଖ୍ୟମନ୍ତ୍ରୀଙ୍କୁ ଭେଟିପାରୁ ନାହାନ୍ତି ବୋଲି ସଙ୍ଗୀନ ଆରୋପ ଲଗାଇଛନ୍ତି । ଏହା ସହ କହିଛନ୍ତି, ଓଡ଼ିଶାରେ ଜାନକୀ ବଲ୍ଲଭ ପଟ୍ଟନାୟକ ମୁଖ୍ୟମନ୍ତ୍ରୀ ଥିବା ସମୟରେ ହଜାର ହଜାର ଶିଳ୍ପ ପ୍ରତିଷ୍ଠା ହୋଇଥିଲା କିନ୍ତୁ ବିଗତ ୨୦ ବର୍ଷ ହେବ ରାଜ୍ୟରେ ଶିଳ୍ପାୟନ ବାଟବଣା ହେବାକୁ ବସିଲାଣି, ବର୍ତ୍ତମାନ ରାଜ୍ୟରେ ଅନେକ ଶିଳ୍ପମଧ୍ୟ ବନ୍ଦ ହେବାକୁ ବସିଲାଣି । ଏହାସହିତ ଯେଉଁକିଛି ଶିଳ୍ପ ଚାଲିଛି ସେଥିରେ ହୋଟେଲ ଶିଳ୍ପ ସର୍ବାଧିକ ଚାଲିଛି । ରାଜ୍ୟରେ ଯାହା ବିକାଶ ହୋଇଛି କଂଗ୍ରେସ ସମୟରେ ବୋଲି କହିଛନ୍ତି ଡ. ଚେଲା କୁମାର ।
