ମୁମ୍ବାଇ (ବଡ଼ ଖବର ବ୍ୟୁରୋ): ଗତ କିଛି ଦିନ ତଳେ ମୁମ୍ବାଇ ଏୟାରପୋର୍ଟରେ ବଲିଉଡ ଅଭିନେତା ସଲମାନ ଖାନଙ୍କୁ ଯାଞ୍ଚ ପାଇଁ ଅଟକାଇଥିଲେ ସିଆଇଏସଏଫ ଯବାନ ସୋମନାଥ ମହାନ୍ତି । ଏହି ଭିଡିଓ ସୋଶିଆଲ ମିଡିଆରେ ଖୁବ ଭାଇରାଲ ହେବାର ଲାଗିଛି। ତେବେ ସିଆଇଏସଏଫ ଜବାନ୍ ସୋମନାଥ ମହାନ୍ତି ପ୍ରୋଟୋକଲ୍ ଉଲ୍ଲଂଘନ କରିଥିବା ଅଭିଯୋଗ ହୋଇଥିଲା।
The contents of this tweet are incorrect & without factual basis. In fact, the officer concerned has been suitably rewarded for exemplary professionalism in the discharge of his duty. @PIBHomeAffairs
— CISF (@CISFHQrs) August 24, 2021
କୁହାଯାଇଥିଲା ଯେ ଅଧିକାରୀମାନେ ସିଆଇଏସଏଫ ଯବାନଙ୍କ ମୋବାଇଲ୍ ଫୋନ୍ ଜବତ କରିଛନ୍ତି ଏବଂ ଗଣମାଧ୍ୟମ ସହ କଥା ହେବା ପାଇଁ ତାଙ୍କୁ ଚେତାବନୀ ଦିଆଯାଇଛି । କିନ୍ତୁ ଏହି ସବୁ ଘଟଣା ସମ୍ପୂର୍ଣ୍ଣ ଭୁଲ୍ ବୋଲି ପ୍ରମାଣିତ ହୋଇଛି। ବରଂ ସିଆଇଏସଏଫ ଯବାନଙ୍କୁ ଦଣ୍ଡ ନୁହେଁ, ମିଳିଛି ପୁରସ୍କାର । ସିଆଇଏସଏଫ ଦ୍ୱାରା ଏହା ସ୍ପଷ୍ଟ ହୋଇଛି । ସିଆଇଏସଏଫ ପକ୍ଷରୁ ଏକ ନ୍ୟୁଜ୍ ପୋର୍ଟାଲର ସମ୍ବାଦର ବିଷୟବସ୍ତୁକୁ ବିରୋଧ କରି ଟ୍ୱିଟ୍ କହିଛି, ‘ଏହି ଟୁଇଟରେ ଉଲ୍ଲେଖ ଯେ, ବିଷୟବସ୍ତୁ ଭୁଲ ଏବଂ ଏଥିରେ କୌଣସି ସତ୍ୟତା ନାହିଁ ।
ବାସ୍ତବରେ, ଡ୍ୟୁଟି ବୃତ୍ତିଗତ ମନୋଭାବ ଥିବାରୁ ଏହି ମାମଲାରେ ସମ୍ପୃକ୍ତ ଅଧିକାରୀଙ୍କୁ ପୁରସ୍କୃତ କରାଯାଇଛି। ସିଆଇଏସଏଫର ଅଫିସିଆଲ୍ ହ୍ୟାଣ୍ଡେଲର ଏହି ଟ୍ୱିଟ୍ ଦିନକୁ ଦିନ ଭାଇରାଲ୍ ହେବାରେ ଲାଗିଛି। ଟ୍ୱିଟର ବ୍ୟବହାରକାରୀମାନେ ଏହା ଉପରେ ତୀବ୍ର ମତାମତ ଦେଉଛନ୍ତି।
ନିକଟରେ ସଲମାନ ଖାନଙ୍କ ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି । ବିମାନବନ୍ଦରରେ ରେକର୍ଡ ହୋଇଥିବା ଏହି ଭିଡିଓରେ ଦବାଙ୍ଗ ଖାନ ତାଙ୍କ ବିଳାସପୂର୍ଣ୍ଣ କାରରୁ ଓହ୍ଲାଇ ଗେଟ୍ ଆଡକୁ ଯାଉଥିବାର ନଜର ଆସିଛନ୍ତି। ଠିକ ସେତେବେଳେ ସଲମାନ ଖାନଙ୍କୁ ଯାଞ୍ଚ ପାଇଁ ଅଟକାଇଥିଲେ ସିଆଇଏସଏଫ ଯବାନ ସୋମନାଥ ମହାନ୍ତି । ସେତେବେଳେ ସଲମାନ ଖାନ ତୁରନ୍ତ ମାସ୍କ କାଢି ସୁରକ୍ଷା ଯାଞ୍ଚର ପାରାମିଟରଗୁଡିକ ଅନୁସରଣ କରିଛନ୍ତି । ସୋସିଆଲ ମିଡିଆରେ ଦବଙ୍ଗ ଖାନଙ୍କ ଏହି ଶୈଳୀକୁ ଲୋକମାନେ ବହୁତ ପସନ୍ଦ କରିଛନ୍ତି ।
ଦବଙ୍ଗ ଖାନ ଖୁବ୍ ଶୀଘ୍ର ଫିଲ୍ମ ‘ଟାଇଗର -୩’ରେ କାମ କରୁଥିବା ଦେଖିବାକୁ ମିଳିବ। ବିମାନବନ୍ଦରରେ ସଲମାନ ଖାନଙ୍କୁ ଦେଖିବାର କାରଣ ମଧ୍ୟ ସେ ତାଙ୍କର ଆଗାମୀ ମେଗା ଚଳଚ୍ଚିତ୍ରର ସୁଟିଂ ପାଇଁ ଯାଉଛନ୍ତି। ତେବେ ତାଙ୍କ ଆଗାମୀ ଚଳଚ୍ଚିତ୍ରରେ ଜବରଦସ୍ତ ଆକ୍ସନରେ ସଲମାନଙ୍କୁ ଦେଖିବାକୁ ପାଇବେ ଦର୍ଶକ ।
