ପାଞ୍ଚ କୋଟି ଦିଅ ମୋଦିକୁ ମାରିଦେବି

ପୁଡୁଚେରୀ(ବଡ଼ ଖବର ବ୍ୟୁରୋ): ପୋଲିସ ପୁଡୁଚେରୀରେ ଜଣେ ୪୩ ବର୍ଷିୟ ବ୍ୟକ୍ତିଙ୍କୁ ଗିରଫ କରିଛି । ପାଞ୍ଚ କୋଟି ଟଙ୍କା ଦେଲେ ପ୍ରଧାନମନ୍ତ୍ରୀ ମୋଦିଙ୍କୁ ମାରିଦେବା ଅଭିଯୋଗରେ ତାଙ୍କୁ ଗିରଫ କରାଯାଇଛି । ଅଭିଯୋଗ ହୋଇଛି ଯେ ସେ ଫେସବୁକରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ହତ୍ୟା କରିବାର ବିବାଦିୟ ପୋଷ୍ଟ କରିଥିଲେ । ସେ ଲେଖିଛନ୍ତି ଯେ ଯଦି କେହି ତାଙ୍କୁ ପାଞ୍ଚ କୋଟି ଟଙ୍କା ଦିଅନ୍ତି ତେବେ ସେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ହତ୍ୟା କରିବେ । ଶୁକ୍ରବାର ଏହି ଘଟଣାର ତଦନ୍ତକରି ଅଭିଯୁକ୍ତକୁ ଗିରଫ କରିଛି ପୋଲିସ ।

ପୋଲିସ କହିଛି ଯେ ଅଭିଯୁକ୍ତ ଆର୍ଯ୍ୟାନପୁପାମ ଗାଁର ରିଅଲ ଇଷ୍ଟେଟ୍ ବ୍ୟବସାୟୀ ସତ୍ୟନନ୍ଦମ୍ ବୋଲି ଚିହ୍ନଟ କରାଯାଇଛି । ତାଙ୍କ ବିରୋଧରେ ଆଇନର ବିଭିନ୍ନ ଧାରାରେ ମାମଲା ରୁଜୁ ହୋଇଛି । ଅଭିଯୁକ୍ତ ଫେସବୁକରେ ଏକ ମେସେଜ ଲେଖିଥିଲେ । ଏଥିରେ କୁହାଯାଇଛି ଯେ ଯଦି କେହି ତାଙ୍କୁ ପାଞ୍ଚ କୋଟି ଟଙ୍କା ଦିଅନ୍ତି ତେବେ ସେ ପ୍ରଧାନମନ୍ତ୍ରୀଙ୍କୁ ହତ୍ୟା କରିବାକୁ ପ୍ରସ୍ତୁତ ଅଛନ୍ତି । ଗୁରୁବାର ଜଣେ କାର ଡ୍ରାଇଭର ଏହି ବାର୍ତ୍ତା ଦେଖି ପୋଲିସକୁ ସୂଚନା ଦେଇଥିଲେ, ପରେ ଅଭିଯୁକ୍ତକୁ ଗିରଫ କରାଯାଇଥିଲା । ଏହା ପରେ ତାଙ୍କୁ ସ୍ଥାନୀୟ କୋର୍ଟରେ ହାଜର କରାଯାଇଥିଲା ଯେଉଁଠାରେ ଅଭିଯୁକ୍ତଙ୍କୁ ନ୍ୟାୟିକ ହେପାଜତକୁ ପଠାଇ ଦିଆଯାଇଛି।