Before Header

ଖାଇଗଲେ କଣ୍ଟ୍ରାକ୍ଟର

0 306

କୃଷ୍ଣପ୍ରସାଦ, (ବଡ଼ ଖବର ବ୍ୟୁରୋ): ଗ୍ରାମାଞ୍ଚଳକୁ ସହରାଞ୍ଚଳ ସହ ସଂଯୋଗ କରିବା ଲାଗି ସରକାର ଗ୍ରାମ୍ୟ ସଡ଼କ ଯୋଜନାରେ ଅର୍ଥ ବ୍ୟୟ କରୁଛନ୍ତି । କିନ୍ତୁ କାମ ଠିକ ଭାବରେ ହେଉ ନ ଥିବା ନେଇ ଖବର ପ୍ରସାରଣ କରୁଥିଲେ ସୁଦ୍ଧା ବାରମ୍ବାର ଏହାର ପୁନରାବୃତ୍ତି ହେଉଛି । ଠିକାଦାର ଓ ଯନ୍ତ୍ରୀଙ୍କ ମଧ୍ୟରେ ସଲାସୁତରା ହୋଇ ଲୁଟାଯାଉଛି ଲକ୍ଷାଧିକ ଟଙ୍କା । ପୁରୀ ଜିଲ୍ଲା କୃଷ୍ଣପ୍ରସାଦ ବ୍ଲକରୁ ଆସିଛି ଏଭଳି ଅଭିଯୋଗ । ସିଆଳ-ରତମାଟି ଚିଲିକାକୁ ସଂଯୋଗ କରୁଥିବା ରାସ୍ତା ନିର୍ମାଣରେ ହୋଇଛି ମହାଘୋଟାଲା ।

ରାସ୍ତା ନିର୍ମାଣ ଲାଗି ୨୯ ଲକ୍ଷ ୨୨ ହଜାର ୪୭୮ ଟଙ୍କା ମଞ୍ଜୁର ହୋଇଥିଲା । ରାସ୍ତା କାମ ଠିକ ଭାବରେ ନ କରି ଠିକାଦାର ବିଲ କରି ନେଇଛନ୍ତି । ପୁରୁଣା ଲୁଣାବନ୍ଧ ନିକଟରେ ଅଳ୍ପ ମୋରମ ପକାଇଥିବାରୁ ଯାତାୟାତରେ ଅସୁବିଧା ହେଉଛି । ଲୋକେ ଦୁର୍ଘଟଣାର ଶିକାର ମଧ୍ୟ ହେଉଛନ୍ତି । ଯାହାକୁ ନେଇ ରତାମାଟି ଗାଁର ଯୁବକ ସଂଘ ଏହାକୁ ବିରୋଧ କରୁଛି । ଠିକାଦାର ଓ ଜଳସମ୍ପଦ ବିଭାଗ କନିଷ୍ଠ ଯନ୍ତ୍ରୀଙ୍କ ମଧ୍ୟରେ ମଧୁଚନ୍ଦ୍ରିକା ଯୋଗୁ ଏପରି ଅନିୟମିତତା ହୋଇଥିବା ଅଭିଯୋଗ ହୋଇଛି । କାମ ତଦାରଖ ନ କରି କରାଯାଇଛି ବିଲ । ସମ୍ପୃକ୍ତ ଠିକାଦାର ଓ କନିଷ୍ଠ ଯନ୍ତ୍ରୀଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ନିଆଯାଉ ବୋଲି ଅଭିଯୋଗ କରିଛନ୍ତି ସ୍ଥାନୀୟ ଲୋକେ ।

Leave A Reply

Your email address will not be published.