ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ସଂସଦରେ ଟିଏମସି ମହୁଆ ମୋଇତ୍ର ଅପଶଦ୍ଦ ବ୍ୟବହାରକୁ ନେଇ ବିଜେପି ଘୋର ନିନ୍ଦା କରିଛି । ମଙ୍ଗଳବାର ଲୋକସଭା ବଜେଟ ସେସନରେ ମହୁଆ ମୋଇତ୍ର ଅଶାଳୀନ ଭାଷା ପ୍ରୟୋଗ କରିଥିବା ଅଭିଯୋଗ ହୋଇଛି । ଯାହାକୁ ନେଇ ଜଣେ ଟିଏମସିର କର୍ମୀ ମହୁଆ ମୋଇତ୍ରଙ୍କୁ ସମର୍ଥନ କରିବା ସହ ନିଜ ଟ୍ୱିିଟର ଆକାଉଣ୍ଟରେ ସେହି ମନ୍ତବ୍ୟକୁ ସେୟାର କରିଥିଲେ ।
ତେବେ ଏହି ଅପଶଦ୍ଦର ବ୍ୟବହାରକୁ ନେଇ ବିଜେପି କଡ଼ା ନିନ୍ଦା କରିବା ସହ ଭୁଲ ମାଗିବା ପାଇଁ ଦାବି କରିଛି । ବିଜେପିକୁ ଜବାବ ଦେଇ ମହୁଆ କହିଛନ୍ତି ଯେ, ମୁଁ କଣ କହିବି ସେଥିପାଇଁ ବିଜେପି ଠାରୁ ଅନୁମୁତି ନେବି କି ? ସଂସଦରେ ମହୁଆ ଆଦାନି ପ୍ରସଙ୍ଗକୁ ନେଇ ବିଜେପିକୁ ଟାର୍ଗେଟ କରିଥିଲେ। ମୋଦି ସରକାରଙ୍କୁ କଡା ଶବ୍ଦରେ ସମାଲୋଚନା କରିଥିଲେ । ସେତେବେଳେ ଗୃହର ଅଧ୍ୟକ୍ଷ ଆସନରେ ବସିଥିଲେ ଭର୍ତ୍ତୃହରି ମହତାବ । ମହୁଆ କହିଥିବା ଶବ୍ଦକୁ ଗୃହର ବିବରଣୀରୁ ବାଦ୍ ଦିଆଯାଇଛି ।
