ପରପାରିରେ ଭିକାରୀ ମହମ୍ମଦ

ନୟାଗଡ଼, (ବଡ଼ ଖବର ବ୍ୟୁରୋ): ଆରପାରିରେ ବିଶିଷ୍ଟ ସଙ୍ଗୀତଜ୍ଞ ଭିକାରୀ ମହମ୍ମଦ । ବୁଧବାର ରାତିରେ କଟକ ବଡ଼ ମେଡିକାଲରେ ତାଙ୍କର ଦେହାନ୍ତ ହୋଇଛି । ତାଙ୍କୁ ୭୧ ବର୍ଷ ହୋଇଥିଲା । ନୟଗାଡ଼ ଜିଲ୍ଲା ଖଣ୍ଡପଡ଼ାରେ ଜନ୍ମଗ୍ରହଣ କରିଥିଲେ ଭିକାରୀ । ମହାପ୍ରଭୁ ଜଗନ୍ନାଥଙ୍କ ଜଣାଣ ଗାଇ ଓଡ଼ିଶାରେ ପ୍ରସିଦ୍ଧି ଲାଭ କରିଥିଲେ ସେ । ତାଙ୍କ ଦେହାନ୍ତ ଓଡ଼ିଆ ଭଜନ ଜଗତରେ ଏକ ଅପୂରଣୀୟ କ୍ଷତି ବୋଲି ମତ ପ୍ରକାଶ ପାଇଛି । ଭିକାରୀଙ୍କ ମୃତଦେହ ତାଙ୍କ ଜନ୍ମସ୍ଥାନ ଖଣ୍ଡପଡ଼ା ନିଆଯିବାକୁ ପ୍ରସ୍ତୁତି ଚାଲିଛି । ସେଠାରେ ଅନ୍ତିମ ସଂସ୍କାର କରାଯିବ ବୋଲି ସୂଚନା ମିଳିଛି । ଶେଷଦର୍ଶନ କରିବା ଲାଗି ଚାହିଁ ରହିଛନ୍ତି ତାଙ୍କ ପ୍ରଂଶସକ । ତାଙ୍କ ମୃତ୍ୟୁରେ ଖଣ୍ଡପଡ଼ାରେ ଖେଳିଯାଇଛି ଶୋକର ଛାୟା ।