ବାପାର କୋଦାଳ ମାଡରେ ଗଲା ପୁଅର ଜୀବନ

ଊମରକୋଟ (ବଡ଼ ଖବର ବ୍ୟୁରୋ):   ମଦ୍ୟପ ବାପାର ଉନ୍ମୁକ୍ତ କାଣ୍ଡ । ଗୋଟିଏ କୋଦାଳରେ ନିଜର ୨୨ବର୍ଷୀୟ ପୁଅକୁ ହତ୍ୟା କରି ଆତ୍ମସମର୍ପଣ କରିଛି ବାପା । ଏଭଳି ଘଟଣା ଘଟିଛି ନବରଙ୍ଗପୁର ଜିଲ୍ଲା ଉମରକୋଟ ବ୍ଲକ ଅଧୀନରେ ଥିବା ବେଙ୍ଗଲୀ ଖାଣ୍ଡା ଗାଁରେ । ଗତକାଲି ରାତି ପ୍ରାୟ ୧୦:୪୦ମିନିଟ ସମୟରେ ବିପୁଲ ରାୟ ଅତ୍ୟଧିକ ମଦ ପିଇ ଘରକୁ ଫେରିଥିଲେ । ପରେ ପୁଅ ସମୀରନ ରାୟ ଏବଂ ବାପା ବିପୁଲ ରୟ ମଧ୍ୟରେ ଝଗଡ଼ା ହୋଇଥିଲା ।

ବାପା ରାଗିଯାଇ ଏକ କୋଦାଳରେ ପୁଅ ସମୀରନଙ୍କ ବେକରେ ବାରମ୍ବାର ପ୍ରହାର କରିବାରୁ ଘଟଣାସ୍ଥଳରେ ହିଁ ସମୀରନଙ୍କ ମୃତ୍ୟୁ ଘଟିଥିଲା । ଏବଂ ବାପା ବିପୁଲ ରାୟ ଉମରକୋଟ ଥାନାରେ ଆତ୍ମସମର୍ପଣ କରିଥିବା ଜଣାପଡିଛି । ହତ୍ୟାର କାରଣ ବର୍ତମାନ ସୁଦ୍ଧା ସ୍ପଷ୍ଟ ହୋଇପାରି ନାହିଁ ।