ଘଣ୍ଟେଶ୍ୱରରେ ଜମୁଛି ଦୋଳଯାତ୍ରା

ଭଦ୍ରକ (ବଡ଼ ଖବର ବ୍ୟୁରୋ):  ଦୋଳଯାତ୍ରା ପାଇଁ ଚଳଚଞ୍ଚଳ ଭଦ୍ରକ ଜିଲ୍ଲା ଘଣ୍ଟେଶ୍ୱର ଅଞ୍ଚଳ । ଶୁକ୍ରବାର ଅଞ୍ଚଳର ବିଭିନ୍ନ ରାଧାକୃଷ୍ଣ ମନ୍ଦିରରୁ ଠାକୁର ସୁସଜିତ ବିମାନରେ ବାହାରି ଗାଁ ଗାଁ ବୁଲି ଚାଚେରି ଭୋଗ ଖାଇବା ସହ ବିଭିନ୍ନ ଦାଣ୍ଡ ମେଲଣରେ ଯୋଗ ଦେଇଛନ୍ତି । ବାଲିପଦାରୁ କାଳିଆକାହ୍ନୁ ଜିଉ, ଗୋପୀନାଥପୁରର ମହିମାମଣି ଜିଉ, ରାଜଗୁରୁପୁରର ହୃଷିକେଶ ଜିଉ, ବଜରାପୁରର ଗୋପୀନାଥ ଜିଉ(ଚୈତନ୍ୟ ମହାପ୍ରଭୁ), କେଦାରଗୌରୀ ଜିଉ, ରାଜଗୁରୁପୁରର ରଘୁନାଥ ଜିଉ, ବାଲିପଦାର ରାଧାମାଧବ ଜିଉ, ନଛିବିନ୍ଧାର ରାଧାକାନ୍ତ ଜିଉ, ବାଲିଦାଣ୍ଡିର ବନବିହାରୀ ଜିଉ, ତୋଟାପଡ଼ାର ରଘୁନାଥ ଜିଉ (ବଡ଼ ଆଖଡ଼ା), ମଦନମୋହନ ଜିଉ (କୁର୍ମ ଆଖଡ଼ା), ସାନ ଆଖଡ଼ା, ବାଲି ଆଖଡ଼ା, ମଣି ତିଆଡ଼ି, ରାଧାମାଧବ ଜିଉଙ୍କ ସମତେ ବିଭିନ୍ନ ଗାଁରୁ ଠାକୁର ବିମାନରେ ବାହାରି ଗାଁ ପରିକ୍ରମା କରିଛନ୍ତି ।

ଠାକୁରମାନେ ସୋମବାର ଦୋଳ ମେଲଣରେ ଯୋଗଦେବେ । ମଙ୍ଗଳବାର ରାତିରେ ଠାକୁରମାନେ ନିଜ ମନ୍ଦିରରୁ ବିରାଟ ପଟୁଆରେ ଦେଶ ମେଲଣ ନିମନ୍ତେ ବାହାରି ଭୋର ସମୟରେ ମେଲଣ ପଡ଼ିଆରେ ପହଞ୍ଚିବେ । ବୁଧବାର ସନ୍ଧ୍ୟା ଭୋଗ ଲାଗି ହେବା ପରେ ଠାକୁରମାନେ ପଊରି ମନ୍ଦିରକୁ ଫେରିବେ ।