Masthead

‘ସାତକୋଶିଆରେ ଆଉ ବ୍ୟାଘ୍ର ପ୍ରକଳ୍ପ ଚିନ୍ତା ନକରନ୍ତୁ ସରକାର’

ଅନୁଗୁଳ (ବଡ଼ ଖବର ବ୍ୟୁରୋ): ଫେରିଗଲା ସୁନ୍ଦରୀ । ବାଘୁଣୀ ସୁନ୍ଦରୀ ମଧ୍ୟପ୍ରଦେଶ ଫେରିବା ଖୁସିରେ ଖୁସି ମନାଇଛନ୍ତି ଶାତକୋଶିଆ ପ୍ରଜା । ସାତକୋଶିଆର ବିଭିନ୍ନ ଗାଁରେ ଉତ୍ସବ ମନାଇଛନ୍ତି ଲୋକେ । ସରକାର ବାଘବଂଶ ବିସ୍ତାର କଥା ଚିନ୍ତା ନକରିବା ଭଲ ବୋଲି କହିଛନ୍ତି ଏଠାକାର ଅଧିବାସୀ । ଗିନି, ମୃଦଙ୍ଗ ଶବ୍ଦରେ କମ୍ପୁଛି ପୂରା ପରିବେଶ । ଭଜନ କୀର୍ତ୍ତନ ସାଙ୍ଗକୁ ଚାଲିଛି ଦୀପ ଦାନ । ବାଘୁଣୀ ସୁନ୍ଦରୀ ଯିବା ଖୁସିରେ ବିଜୟ ଦିବସ ପାଳୁଛନ୍ତି ସାତକୋଶିଆ ପ୍ରଜା । ଅଭୟାଅରଣ୍ୟ ଭିତରେ ଥିବା ଜଗନ୍ନାଥପୁର ଗାଁର ଲୋକେ ଆଜି ଏକତ୍ରିତ ହୋଇ ପାଳିଛନ୍ତି ଖୁସିର ବିଜୟ ଦିବସ ।

ବାଣ ଫୁଟାଇ ଦୀପ ଲଗାଇବା ସହ ମା’ ମଙ୍ଗଳାଙ୍କ ନିକଟରେ କରିଛନ୍ତି ପୁଜାର୍ଚ୍ଚନା । ଖାଲି ଜଗନ୍ନାଥପୁର ନୁହେଁ, ସୁନ୍ଦରୀ ଯିବା ଖୁସିରେ ସାତକୋଶିଆରେ ଥିବା ଅନେକ ଗାଁରେ ଲାଗିରହିଛି ଖୁସିର ମାହୋଲ । ଶୁକ୍ରବାର ଦିନ ତମାମ ଭୋଜିଭାତରେ ମସଗୁଲ ଥିଲେ ସାତକୋଶିଆ ପ୍ରଜା । ସାତକୋଶିଆରେ ବ୍ୟାଘ୍ର ପ୍ରକଳ୍ପ ପାଇଁ ଯୋଜନା କରିଥିଲେ ରାଜ୍ୟ ସରକାର । ଜଙ୍ଗଲ ସୁରକ୍ଷା ସହ ପର୍ଯ୍ୟଟକଙ୍କୁ ଅକୃଷ୍ଟ କରିବା ପାଇଁ ସରକାର ଏହି ଯୋଜନା ହାତକୁ ନେଇଥିଲେ । ଏଥିପାଇଁ ମଧ୍ୟପ୍ରଦେଶର କାହ୍ନା ଜଙ୍ଗଲରୁ ବାଘୁଣୀ ସୁନ୍ଦରୀକୁ ଆଣି ଏଠାରେ ବାଘବଂଶ ବିସ୍ତାର ପାଇଁ ଲକ୍ଷ୍ୟ ରଖିଥିଲେ ସରକାର । କିନ୍ତୁ ଫେଲ ମାରିଥିଲା ସରକାରଙ୍କ ଏହି ଯୋଜନା । ସୁନ୍ଦରୀ ଆସିବା ପରେ ଆତଙ୍କିତ ହୋଇ ପଡିଥିଲେ ସାତକୋଶିଆ ଆଖପାଖ ଗାଁ ଲୋକେ ।

ସନ୍ଧ୍ୟା ହେଲେ ପଦାକୁ ବାହାରିବା ପାଇଁ ଡରୁଥିଲେ ଗ୍ରାମବାସୀ । ସୁନ୍ଦରୀ ହାବୁଡରେ ପଡି ଦୁଇଜଣଙ୍କ ଜୀବନ ମଧ୍ୟ ଯାଇଛି । ପ୍ରତିଦିନ ଅନେକ ଗାଈଗୋରୁଙ୍କ ଜୀବନ ମଧ୍ୟ ଯାଇଥିଲା ସୁନ୍ଦରୀ ପାଇଁ । ଯାହାକୁ ନେଇ ତାତିଥିଲେ ସାତକୋଶିଆ ପ୍ରଜା । ଜୋର ଧରିଥିଲା ବାଘୁଣୀ ହଟାଅ ସାତକୋଶିଆ ବଞ୍ଚାଅ ନାରା । ସୁନ୍ଦରୀ ଯିବା ପରେ ନିଜର ଖୁସି ଜାହିର କରିଛନ୍ତି ସାତକୋଶିଆ ପ୍ରଜା । ଫେଲ ମାରିଲା ସାତକୋଶିଆ ବ୍ୟାଘ୍ର ପ୍ରକଳ୍ପ । ସରକାରଙ୍କ ତରବରିଆ ନିଷ୍ପତ୍ତି ପାଇଁ ଏହି ପ୍ରକଳ୍ପ ଫେଲ ମାରିଛି ବୋଲି ଅଭିଯୋଗ କରିଛନ୍ତି ସାତକୋଶିଆବାସୀ । ପ୍ରକଳ୍ପ ଆରମ୍ଭ ପୁର୍ବରୁ ଏଠାକାର ଲୋକଙ୍କ ସହ ପ୍ରଶାସନ ଆଲୋଚନା କରିବା କଥା । ତେବେ ସାତକୋଶିଆରେ ଆଉ ବ୍ୟାଘ୍ର ପ୍ରକଳ୍ପ କଥା ଚିନ୍ତା ନକରନ୍ତୁ ବୋଲି କହିଛନ୍ତି ଶାତକୋଶିଆବାସୀ ।

ଆଗକୁ ପଢନ୍ତୁ
ବ୍ରେକିଙ୍ଗ୍ ନ୍ୟୁଜ୍
🔴 କ’ଣ ଚୀନ ଭାରତର ବନ୍ଧୁ ? 🔴 ରାଜ୍ୟରେ ବଢ଼ୁଛି ଛାତ୍ରୀଙ୍କ ଅସଦାଚରଣ ମାମଲା 🔴 କଣ ଆପଣ ଜିଲାପି, ସିଙ୍ଗଡ଼ା ଖାଉଛନ୍ତି କି ? 🔴 ଏଫଏମ କଲେଜ ଛାତ୍ରୀ ଆତ୍ମାହୁତି ମାମଲା, କଂଗ୍ରେସ ପକ୍ଷରୁ ୧୨ ଘଣ୍ଟିଆ ଓଡ଼ିଶା ବନ୍ଦ ପାଳନ 🔴 ଲୋୟର ପିଏମ୍‌ଜିରେ ପୋଲିସ ବିଜେଡି କର୍ମୀ ଧସ୍ତାଧସ୍ତି 🔴 ୫ ଜିଲ୍ଲାକୁ ପ୍ରବଳ ବର୍ଷା ଆଲର୍ଟ 🔴 ସୌମ୍ୟାଶ୍ରୀ ମୃତ୍ୟୁ ମାମଲା, ବିଜେଡି ପକ୍ଷରୁ ବାଲେଶ୍ବର ଜିଲ୍ଲା ବନ୍ଦ ଡାକରା 🔴 କଟିବ ହିତାଧିକାରିଙ୍କ ରାସନ କାର୍ଡ 🔴 ସୁଧୁରିବାରେ ଲାଗିଛି ଭାରତ-ଚୀନ ସମ୍ପର୍କ 🔴 ଗଣତନ୍ତ୍ରର ସବୁଠାରୁ ବଡ଼ ମନ୍ଦିରରେ AI 🔴 କ’ଣ ଚୀନ ଭାରତର ବନ୍ଧୁ ? 🔴 ରାଜ୍ୟରେ ବଢ଼ୁଛି ଛାତ୍ରୀଙ୍କ ଅସଦାଚରଣ ମାମଲା 🔴 କଣ ଆପଣ ଜିଲାପି, ସିଙ୍ଗଡ଼ା ଖାଉଛନ୍ତି କି ? 🔴 ଏଫଏମ କଲେଜ ଛାତ୍ରୀ ଆତ୍ମାହୁତି ମାମଲା, କଂଗ୍ରେସ ପକ୍ଷରୁ ୧୨ ଘଣ୍ଟିଆ ଓଡ଼ିଶା ବନ୍ଦ ପାଳନ 🔴 ଲୋୟର ପିଏମ୍‌ଜିରେ ପୋଲିସ ବିଜେଡି କର୍ମୀ ଧସ୍ତାଧସ୍ତି 🔴 ୫ ଜିଲ୍ଲାକୁ ପ୍ରବଳ ବର୍ଷା ଆଲର୍ଟ 🔴 ସୌମ୍ୟାଶ୍ରୀ ମୃତ୍ୟୁ ମାମଲା, ବିଜେଡି ପକ୍ଷରୁ ବାଲେଶ୍ବର ଜିଲ୍ଲା ବନ୍ଦ ଡାକରା 🔴 କଟିବ ହିତାଧିକାରିଙ୍କ ରାସନ କାର୍ଡ 🔴 ସୁଧୁରିବାରେ ଲାଗିଛି ଭାରତ-ଚୀନ ସମ୍ପର୍କ 🔴 ଗଣତନ୍ତ୍ରର ସବୁଠାରୁ ବଡ଼ ମନ୍ଦିରରେ AI