ପୂର୍ବତନ ସାଂସଦ ତ୍ରିଲୋଚନ କାନୁନ୍ଗୋଙ୍କ ଦେହାନ୍ତ
ଭୁବନେଶ୍ୱର (ବଡ଼ ଖବର ବ୍ୟୁରୋ): ପୂର୍ବତନ ସାଂସଦ ତ୍ରିଲୋଚନ କାନୁନ୍ଗୋଙ୍କ ଦେହାନ୍ତ । ୮୩ ବର୍ଷ ବୟସରେ ତାଙ୍କର ଦେହାନ୍ତ ହୋଇଛି । ଭୁବନେଶ୍ୱରର ଏକ ଘରୋଇ ହସ୍ପିଟାଲରେ ମାର୍ଚ୍ଚ ୩୦ରୁ ହସ୍ପିଟାଲରେ ଭର୍ତ୍ତି ହୋଇଥିଲେ । ଆଜି ସକାଳ ୭ଟା ବେଲେ ତାଙ୍କର ଦେହାନ୍ତ ହୋଇଛି । ୩ ଥର ବିଧାୟକ ଓ ଥରେ ସାଂସଦ ଥିବା ତ୍ରିଲୋଚନଙ୍କ ବିୟୋଗରେ ଶୋକର ଛାୟା ଖେଳିଯାଇଛି । ଜଗତସିଂହପୁର ଜିଲ୍ଲାର ବଡ଼ମୁଳେଇରେ ୧୯୪୦ ନଭେମ୍ବର ୨୪ରେ ଜନ୍ମଗ୍ରହଣ କରିଥିବା ତ୍ରିଲୋଚନ କାନୁନଗୋ ୧୯୯୯ରୁ ୨୦୦୪ ପର୍ଯ୍ୟନ୍ତ ଲୋକସଭାକୁ ପ୍ରତିନିଧିତ୍ୱ କରୁଥିଲେ ।
କଂଗ୍ରେସରୁ ରାଜନୈତିକ ଜୀବନ ଆରମ୍ଭ କରିଥିବା ତ୍ରିଲୋଚନ କାନୁନଗୋ ୧୯୯୦ରେ ଜନତା ଦଳରେ ଯୋଗ ଦେଇଥିଲେ । କଟକ ସଦର ବ୍ଲକର ୨ ଥର ଚେୟାରମ୍ୟାନ ଥିବା ତ୍ରିଲୋଚନ କାନୁନଗୋ ୧୯୭୧ରେ କଂଗ୍ରେସ ଟିକେଟରେ ଗୋବିନ୍ଦପୁର ବିଧାନସଭା ଆସନରୁ ନିର୍ବାଚିତ ହୋଇଥିଲେ । ୧୯୭୪ରେ ସେ କଟକ ସଦର ବିଧାୟକ ହୋଇଥିଲେ । ୧୯୮୫ରେ ପୁଣି ସେ ଗୋବିନ୍ଦପୁରରୁ ବିଧାୟକ ଭାବେ ନିର୍ବାଚିତ ହୋଇଥିଲେ ।