![](https://i0.wp.com/badakhabar.in/wp-content/uploads/2021/09/bus.png?fit=800%2C493&ssl=1)
ମୁମ୍ବାଇ(ବଡ଼ ଖବର ବ୍ୟୁରୋ): ମହାରାଷ୍ଟ୍ରରେ ଦେଖିବାକୁ ମିଳିଛି ବର୍ଷାର ମହାବିତ୍ପାତ । ବନ୍ୟାରେ ଭାସିଯାଇଛି ଯାତ୍ରୀବାହୀ ବସ୍ । ନାନ୍ଦେଡରୁ ନାଗପୁର ଯାଉଥିବା ଏକ ଯାତ୍ରୀବାହୀ ବସ ଦୁର୍ଘଟଣା ଘଟି ୨ ଜଣଙ୍କ ମୃତ୍ୟୁ ହୋଇଛି । ଲଗାଣ ବର୍ଷା ପାଇଁ ୟେବତମାଲରେ ଥିବା ଏକ ଡ୍ୟାମରେ ଜଳସ୍ତର ବଢିବାରେ ଲାଗିଥିଲା ଏବଂ ରାସ୍ତା ଉପରେ ପ୍ରବାହିତ ହେଉଥିଲା ବନ୍ୟା ପାଣି । ଫଳରେ ଏହି ରାସ୍ତା ଦେଇ ଯାଉଥିବା ବସଟି ଦୁର୍ଘଟଣା ଘଟି ପାଣିରେ ଭାସି ଯାଇଥିଲା ।
ଘଟଣାରେ ବସ ଡ୍ରାଇଭର ସହ ଆହୁରି ୨ ଜଣ ଏବେବି ନିଖୋଜ ଅଛନ୍ତି । ରାଜ୍ୟରେ ଲଗାଣ ବର୍ଷା ଜାରି ରହିଥିବାରୁ ନଦୀଗୁଡିକରେ ଜଳସ୍ତର ବଢିବାରେ ଲାଗିଛି । ନାସିକ ସହରର ଗୋଦାବରୀ ନଦୀରେ ବନ୍ୟା ପରିସ୍ଥିତି ସୃଷ୍ଟି ହୋଇଛି । ଫଳରେ ସହରାଞ୍ଚଳରେ ପଶିଛି ବନ୍ୟା ପାଣି । ବିଭିନ୍ନ ସ୍ଥାନ ଜଳବନ୍ଦୀ ହୋଇ ରହିଛି । ଲୋକଙ୍କ ଘର ଭିତରେ ବନ୍ୟା ପାଣି ପଶିଥିବାରୁ ଲୋକେ ଅନେକ ହଇରାଣ ହେଉଥିବା ଦେଖିବାକୁ ମିଳିଛି।