ଭୁବନେଶ୍ବର(ବଡ଼ ଖବର ବ୍ୟୁରୋ): ସାରା ରାଜ୍ୟରେ ପ୍ରବଳ ବର୍ଷା ଜାରି ରହିଛି । ତଳିଆ ଅଞ୍ଚଳ ଜଳମଗ୍ନ । ଗାଁରୁ ସହର ପାଣି ଆଉ ପାଣି । ଅନେକ ପରିବାର ଜଳବନ୍ଦୀ ଅବସ୍ଥାରେ । ସ୍ଥିତି ଦେଖି ସମସ୍ତ ଜିଲ୍ଲାପାଳଙ୍କୁ ନିର୍ଦ୍ଦେଶନାମା ଜାରି କରିଛନ୍ତି ଏସଆରସି । ଏସଆରସି କହିଛନ୍ତି, ପ୍ରବଳରୁ ଅତି ପ୍ରବଳ ବର୍ଷା ଯୋଗୁଁ ତଳିଆ ଅଞ୍ଚଳରେ ଜଳବନ୍ଦୀ ଓ ବନ୍ୟା ଭଳି ସ୍ଥିତି ଉପୁଜୁଛି । ଗାଁ ଗଣ୍ଡା ପାଣିଘେରରେ ରହିଛି । ଏଭଳି ସ୍ଥିତିରେ ଉଦ୍ଧାର କାର୍ଯ୍ୟର ଆବଶ୍ୟକତା ରହିଛି ।
ଏହାସହ ରିଲିଫ କୋଡ୍ ଅନୁଯାୟୀ, ବିପନ୍ନଙ୍କ ପାଖରେ ରନ୍ଧାଖାଦ୍ୟ ଓ ଶୁଖିଲା ଖାଦ୍ୟ ପହଞ୍ଚାଇବାକୁ ହେବ । ଏତଦ୍ ବ୍ୟତୀତ ବର୍ଷା ଯୋଗୁଁ କେଉଁଠି ରାସ୍ତାଘାଟ କ୍ଷତିଗ୍ରସ୍ତ ହୋଇଥିଲେ, ତୁରନ୍ତ ଏହାର ମରାମତି କରାଯିବା ଦରକାର ବୋଲି ଜିଲ୍ଲାପାଳମାନଙ୍କୁ ଏସଆରସି ପି.କେ ଜେନା କହିଛନ୍ତି ।
