ପ୍ରବଳ ବର୍ଷା ପରେ ଖୋଲିଲା ହୀରାକୁଦ ଗେଟ

ସମ୍ବଲପୁର(ବଡ଼ ଖବର ବ୍ୟୁରୋ):  ବଙ୍ଗୋପସାଗରରେ ସୃଷ୍ଟି ହୋଇଥିବା ଲଘୁଚାପ ଜନିତ ବର୍ଷାର ପ୍ରଭାବ ଏବେ ବି ସକ୍ରିୟ ରହିଛି । ସେ ନେଇ ହୀରୀକୁଦ ଜଳଭଣ୍ଡାରର ୬ଟି ଗେଟ ଖୋଲାଯାଇଛି । ଉପର ମୁଣ୍ଡରେ ବର୍ଷା ହେବାରୁ ଜଳଭଣ୍ଡାରରେ ଜଳ ପତ୍ତନ ବୃଦ୍ଧି ପାଇଛି । ଏ ନେଇ ପ୍ରଥମେ ଦୁଇଟି ଗେଟ ଖୋଲାଯାଇଥିଲା । ୩ ଓ ୭ ନମ୍ବର ଗେଟ୍ ଖୋଲିଥିଲା । ଏହା ପରେ ପର୍ଯ୍ୟାୟକ୍ରମେ ୬ ଟି ଗେଟ ଖୋଲାଯିବ ।

ଗତ ୨୪ ଘଣ୍ଟାରେ ଉପର ମୁଣ୍ଡରେ ୪୬.୪୬ ମିଲି ମିଟର ବର୍ଷା ହୋଇଥିବା ରେକର୍ଡ କରାଯାଇଛି । ତେବେ ହୀରାକୁଦ ଡ୍ୟାମ କର୍ତ୍ତୁପକ୍ଷଙ୍କ ସୂଚନା ଅନୁଯାୟୀ ଡ୍ୟାମରୁ ବର୍ତ୍ତମାନ ଏକ ଲକ୍ଷ କ୍ୟୁସେକ ପାଣିଛଡା ଯିବ । ପାଣିଛଡା ଯିବା ଦ୍ୱାରା ତଳ ମୁଣ୍ଡରେ ବନ୍ୟାର ଆଶଙ୍କା ନାହିଁ । ସମଗ୍ର ରାଜ୍ୟରେ ଲଗାଣ ବର୍ଷା ପାଇଁ ଜନଜୀବନ ଅସ୍ତବ୍ୟସ୍ତ ହୋଇପଡିଛି । ତଳିଆ ଅଞ୍ଚଳର ଲୋକେ ହନ୍ତସନ୍ତ ହେଉଛନ୍ତି । ୨ଦିନରେ ରେକର୍ଡ ପରିମାଣର ୧୫୬ ମିମି ବର୍ଷା ରେକର୍ଡ କରାଯାଇଛି ।