ଅଯୋଧ୍ୟାରେ ରଙ୍ଗରେ ଭିଜିଲେ ଭକ୍ତ-ଭଗବାନ

ଭୁବନେଶ୍ୱର (ବଡ଼ ଖବର ବ୍ୟୁରୋ):ହୋଲି ମହୋତ୍ସବ ପାଇଁ ସାରା ଦେଶରେ ପ୍ରସ୍ତୁତି ଆରମ୍ଭ ହୋଇସାରିଛି। ରଙ୍ଗର ପର୍ବ ହୋଲି ଉତ୍ସବକୁ ଧୁମଧାମରେ ପାଳନ କରିବାକୁ ସମସ୍ତଙ୍କର ଅପେକ୍ଷା। । ଭଗବାନ କୃଷ୍ଣଙ୍କ ଜନ୍ମସ୍ଥଳୀ ମଥୁରାରେ ତ ପାରମ୍ପରିକ ହୋଲି ପର୍ବ ଆରମ୍ଭ ହୋଇଗଲାଣି । ଆଉ ଏଥର ରାମଲାଲାଙ୍କୁ ଲାଗିଛି ପ୍ରଥମ ହୋଲି । ଅଯୋଧ୍ୟାରେ ଭକ୍ତ ଭଗବାନ ଉଭୟ ରଙ୍ଗରେ ଭିଜିଛନ୍ତି । ପ୍ରାଣ ପ୍ରତିଷ୍ଠା ପରେ ପ୍ରଥମ ଥର ହୋଲି ଖେଳିଲେ ରାମଲାଲା । ଫୁଲର ରଙ୍ଗରେ ହୋଲି ଖେଳିଲେ ପ୍ରଭୁ ରାମଲାଲା ।

ଏକ ସ୍ୱତନ୍ତ୍ର ଫୁଲରୁ ପ୍ରାକୃତିକ ରଙ୍ଗ ପ୍ରସ୍ତୁତ କରାଯାଇଥିବା ରଙ୍ଗରେ ହୋଲି ଖେଳିଛନ୍ତି ରାମଲାଲା । ବୈଜ୍ଞାନିକଙ୍କ ତତ୍ତ୍ୱାବଧାନରେ ଏହି ରଙ୍ଗ ପ୍ରସ୍ତୁତ କରାଯାଇଛି। ତେବେ ପ୍ରତିବର୍ଷ ଠାରୁ ଚଳିତ ବର୍ଷ ହୋଲି ବହୁତ ସ୍ୱତନ୍ତ୍ର ହୋଇଛି । ଏଥର ଅଯୋଧ୍ୟା ରାମ ମନ୍ଦିରର ହୋଲି ସମସ୍ତଙ୍କ ଆକର୍ଷଣର କେନ୍ଦ୍ରବିନ୍ଦୁ ପାଲଟିଛି । କାହିଁକି ନା ୪୯୫ ବର୍ଷ ପରେ ଚଳିତ ବର୍ଷ ପ୍ରଥମ ଥର ପାଇଁ ଭବ୍ୟ ରାମ ମନ୍ଦିରରେ ହୋଲି ଖେଳିଲେ ରାମଲାଲା ।