ଆମ ଗୁଣ ଗାଅ ନହେଲେ ମାରିବୁ
(ବଡ଼ ଖବର ବ୍ୟୁରୋ): ତାଲିବାନ ଅକ୍ତିଆରରେ ଆଫଗାନିସ୍ତାନ । ଆଫଗାନିସ୍ତାନ ଦଖଲ କରିବା ପରେ ତାଲିବାନ ଲୋକଙ୍କୁ ଭୟଭୀତ ନହେବାକୁ ନିବେଦନ କରିଥିଲା । କିନ୍ତୁ ବାସ୍ତବ ଚିତ୍ର କିଛି ଓଲଟା । ଏମିତି କିଛି ଘଟଣା ଘଟିଛି ସାମ୍ବାଦିକଙ୍କ କ୍ଷେତ୍ରରେ । ତାଲିବାନୀମାନେ ଛଡ଼ାଇ ନେଇଛନ୍ତି ତାଙ୍କ ସ୍ୱାଧୀନତା । ଯାହାର ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଯେଉଁଥିର ଜଣେ ଟିଭି ସାମ୍ବାଦିକଙ୍କ ଉପରେ ନିର୍ଯ୍ୟାତନା ଦେଖିବାକୁ ମିଳିଛି ।
ତାଲିବାନୀମାନେ ଜୋରଜବରଦସ୍ତ ପ୍ରଶଂସା କରିବାକୁ ବାଧ୍ୟ କରୁଛନ୍ତି । ସେତିକି ନୁହେଁ ଷ୍ଟୁଡିଓରେ ପଶି ତାଲିବାନମାନେ ସେମାନଙ୍କର ନିଷ୍ଠୁରତାର ଉଦାହରଣ ଦେଖାଇଛନ୍ତି । ଜଣେ ଆଙ୍କର ନିୟୁଜ ପଢୁଥିବା ସମୟରେ ସେମାନଙ୍କୁ ଜବରଦସ୍ତ ତାଲିବାନୀଙ୍କ ପ୍ରଶଂସା କରିବାକୁ ବାଧ୍ୟ କରୁଛନ୍ତି । ମୁଣ୍ଡ ଉପରେ ବନ୍ଧୁକ ରଖି ଭୟଭୀତ କରାଇ କହୁଛନ୍ତି ଆମର ପ୍ରଶଂସା କର ।