ବିଶ୍ୱ ଦେଖିଲା ବାୟୁସେନାର ତାକତ୍

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଆଜି ଧୁମଧାମରେ ପାଳିତ ହେଉଛି ୮୮ତମ ବାୟୁସେନା ଦିବସ । ୧୯୩୨ ମସିହା ଆଜିର ଦିନରେ ବାୟୁସେନା ସ୍ଥାପନ କରାଯାଇଥିଲା । ପ୍ରତିବର୍ଷ ଭଳି ଏବର୍ଷ ମଧ୍ୟ ଗାଜିୟାବାଦର ହିଣ୍ଡୋନ ଏୟାରବେସରେ ସ୍ୱତନ୍ତ୍ର କାର୍ଯ୍ୟକ୍ରମ ଆୟୋଜିତ ହେଉଛି । ଏହି ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଟ୍ୱିଟ୍ କରି ଏହି ଦିବସର ଶୁଭ ମନାସିଛନ୍ତି । ପ୍ରଧାନମନ୍ତ୍ରୀ କହିଛନ୍ତି,‘ଭାରତୀୟ ବାୟୁସେନାର ସମସ୍ତ ସାହସୀ ଯୋଦ୍ଧାଙ୍କୁ ଅନେକ ଅନେକ ଅଭିନ୍ଦନ । ଆପଣମାନେ କେବଳ ଭାରତର ଆକାଶକୁ ସୁରକ୍ଷିତ ରଖନ୍ତି ନାହିଁ । ବିପର୍ଯ୍ୟୟ ସମୟରେ ମାନବିକତାର ପରିଚୟ ଦେଉଛନ୍ତି । ଆପଣଙ୍କ ବୀରତ୍ୱ ସାହସ ଓ ନିଷ୍ଠା ମା’ଭାରତୀଙ୍କୁ ସୁରକ୍ଷା ଦେଉଛି । ରାଷ୍ଟ୍ରପତି ରାକନାଥ କୋବିନ୍ଦ,କେନ୍ଦ୍ର ଗୃହ ମନ୍ତ୍ରୀ ଅମିତ୍ ସାହା,ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ମଧ୍ୟ ଶୁଭେଚ୍ଛା ଜଣାଇଛନ୍ତି ।

एयर फोर्स डे पर भारतीय वायुसेना के सभी वीर योद्धाओं को बहुत-बहुत बधाई। आप न सिर्फ देश के आसमान को सुरक्षित रखते हैं, बल्कि आपदा के समय मानवता की सेवा में भी अग्रणी भूमिका निभाते हैं। मां भारती की रक्षा के लिए आपका साहस, शौर्य और समर्पण हर किसी को प्रेरित करने वाला है।#AFDay2020 pic.twitter.com/0DYlI7zpe6

— Narendra Modi (@narendramodi) October 8, 2020

ହିଣ୍ଡୋନ ଏୟାରବେସର ଚିଫ୍ ଶିବାଙ୍ଗୀ ରାଜୱେଟଙ୍କ ନେତୃତ୍ୱରେ ଅନୁଷ୍ଠିତ ହୋଇଥିଲା ଯବାନମାନଙ୍କ ଚିତ୍ତାକର୍ଷକ ପରେଡ । ଅଭିବାଦନ ଗ୍ରହଣ କରିଥିଲେ ଏୟାର ଚିଫ୍ ମାର୍ଶାଲ ଆରକେଏସ ଭୌଦୋରିୟା । ଏହି ବର୍ଣ୍ଣାଢ୍ୟ ଉତ୍ସବରେ ସାମିଲ୍ ହୋଇଥିଲେ ସିଡିଏସ୍ ବିପିନ ରାୱେତ୍,ସ୍ଥଳସେନା ମୁଖ୍ୟ ମନୋଜ ମୁକୁନ୍ଦ ନାରୱଣେ, ନାଭାଲ ଚିଫ୍ ମାର୍ସଲ କରମବୀର ସିଂ ପ୍ରମୁଖ ସାମିଲ୍ ହୋଇଛନ୍ତି । ଉତ୍ସବରେ ସାମିଲ୍ ହୋଇଥିବା ବାୟୁସେନାର ଲଢୁ଼ଆ ବିମାନଗୁଡିକ ଶୌର୍ଯ୍ୟ ଓ ପରାକର୍ମ ଦେଖାଇଥିଲେ । ମାତ୍ର ଆକର୍ଷଣର କେନ୍ଦ୍ରବିନ୍ଦୁ ପାଲଟିଥିଲା ରାଫେଲ । ଏହାସହ ଚିନୁକ୍, ଆପାଚେ,ମିଗ୍-୨୧, ମିଗ୍-୨୯, ତେଜସ୍, ସୁଖୋଇ-୩୦ ପ୍ରଭୃତି ଯୁଦ୍ଧବିମାନଗୁଡିକ ଆକାଶରେ ।

ରାଫେଲ ଯୁଦ୍ଧବିମାନ କିଛିଦିନ ପୂର୍ବେ ବାୟୁସେନାରେ ସାମିଲ ହୋଇଛି । ଏଥର ମୋଟ ୫୬ଟି ଯୁଦ୍ଧବିମାନ ପ୍ରଦର୍ଶନରେ ସାମିଲ ହୋଇଛି । ଗତବର୍ଷ ଏହି ସଂଖ୍ୟା ଥିଲା ୫୧ । ଏୟାର ଚିଫ୍ ମାର୍ଶାଲ ଆରକେଏସ ଭୌଦୋରିୟା କହିଛନ୍ତି ରାଫେଲ ଯୁଦ୍ଧବିମାନ ଦ୍ୱାରା ଆମକୁ ବହୁମାତ୍ରାରେ ସାହାଯ୍ୟ ମିଳିବ । ଆମେ ଆଗୁଅ ଶତ୍ରୁପକ୍ଷଙ୍କୁ ରୋକିବାରେ ସଫଳ ହେବୁ । ରାଫେଲ ଆସିବା ପରେ ବାୟୁସେନାର ତାକତ ବଢିଯାଇଛି ।

Air Force Day Parade 2020. Live from Air Force Station Hindan. https://t.co/QNWdvkvjZG

— Indian Air Force (@IAF_MCC) October 8, 2020

ଅବିଭକ୍ତ ଭାରତ ଦିତ୍ୱୀୟ ବିଶ୍ୱଯୁଦ୍ଧରେ ସାମିଲ୍ ହୋଇଥିଲା । ସେ ସମୟରେ ବାୟୁସେନାର ଯବାନମାନେ ଗୁରୁତ୍ୱପୂର୍ଣ୍ଣ ଭୂମିକା ନିର୍ବାହ କରିଥିଲେ । ଏଥିରେ ସନ୍ତୁଷ୍ଟ ହୋଇ ଜର୍ଜ-୬ ‘ରୟାଲ’ସମ୍ମାନରେ ସମ୍ମାନୀତ କରିଥିଲେ । ଦେଶ ସ୍ୱାଧୀନ ହେବା ପରେ ୧୯୫୦ ଅକ୍ଟେବର ୮ରେ ‘ରୟାଲ’ ନାମକୁ ହଟାଯାଇ ଭାରତୀୟ ବାୟୁସେନା (ଆଇଏଏଫ୍) ନାମରେ ନାମିତ କରାଯାଇଛି ।

ଚୀନ ସହ ଦୀର୍ଘଦିନ ହେଲା ଲାଗିରହିଛି ସୀମା ବିବାଦ । ଏଲଏସିରେ ଉତ୍ତେଜନାକୁ ଦୃଷ୍ଟିରେ ରଖି ସେନା ଓ ବାୟୁସେନା ନିୟୋଜିତ ହୋଇଛନ୍ତି । କିଛିଦିନ ପୂର୍ବେ ଲେହ-ଲାଦାଖ ଅଞ୍ଚଳରେ ରାଫେଲ ନିଜର ଶକ୍ତି ପ୍ରଦର୍ଶନ କରିଥିଲା । ଫ୍ରାନ୍ସରୁ ଏପର୍ଯ୍ୟନ୍ତ ୫ଟି ରାଫେଲ ଭାରତ ଆଣିଛି, ଆହୁରି ୩୬ଟି ଆସିବାର ଅଛି ।