ଜନଶତାଦ୍ଦୀ ଟ୍ରେନ ଲାଇନଚ୍ୟୁତ

ନୂଆଦିଲ୍ଲୀ (ବଡ଼ ଖବର ବ୍ୟୁରୋ):  ପୁଣି ଲାଇନଚ୍ୟୁତ ହେଲା ଟ୍ରେନ । ଗୁରୁବାର ବିଳମ୍ବିତ ରାତିରେ ଚେନ୍ନାଇ ସେଣ୍ଟ୍ରାଲ ଷ୍ଟେସନ ନିକଟରେ ଲାଇନଚ୍ୟୁତ ହୋଇଥିଲା ଜନଶତାଦ୍ଦୀ ଟ୍ରେନ । ଟ୍ରେନ ଯାତ୍ରୀଙ୍କୁ ଓହ୍ଲାଇବା ପରେ ସଫା ହେବାକୁ ୟାର୍ଡକୁ ଯିବା ବେଳେ ଲାଇନଚ୍ୟୁତ ହୋଇଥିଲା । ଏଥିରେ କୌଣସି କ୍ଷୟକ୍ଷତି ହୋଇନଥିଲା ।

ସୂଚନା ଅନୁସାରେ ବିଜୟୱାଡାରୁ ଆସୁଥିବା ଜନଶତାବ୍ଦି ଟ୍ରେନ ପୁରାଚି ଥାଲାଇଭରର ଡ.ଏମଜିଆର ଚେନ୍ନାଇ ସେଣ୍ଟ୍ରାଲ ଷ୍ଟେସନ ଯାତ୍ରୀଙ୍କୁ ଓହ୍ଲାଇବା ପରେ ବାସିନ ବ୍ରିଜ ୟାର୍ଡକୁ ସଫା ହେବାକୁ ଯାଉଥିଲା । ଏହି ସମୟରେ ଟ୍ରେନର ଏକ ବଗିରେ ପ୍ରଥମ ୨ଟି ଚକ ଲାଇନଚ୍ୟୁତ ହୋଇଥିଲା । ତେବେ ଲୋକପାଇଲଟ ଓ କର୍ମଚାରୀଙ୍କ ସହ ମିଶି ରେଳବାଇ ପୋଲିସ ମାମଲାର ତଦନ୍ତ ଆରମ୍ଭ କରିଛନ୍ତି ।