ବୀର ଯବାନଙ୍କୁ ମନେପକାଇଲେ ମୋଦୀ
ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ୨୦୧୯ ପୁଲୱାମା ଆତଙ୍କବାଦୀ ଆକ୍ରମଣରେ ପ୍ରାଣ ହରାଇଥିବା ୪୦ ସେଣ୍ଟ୍ରାଲ ରିଜର୍ଭ ପୋଲିସ ଫୋର୍ସ କର୍ମଚାରୀଙ୍କୁ ମନେପକାଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ । ପ୍ରଧାନମନ୍ତ୍ରୀ କହିଛନ୍ତି ଦେଶ ବୀର ଯବାନଙ୍କ “ସର୍ବୋଚ୍ଚ ବଳିଦାନ” କୁ ଭୁଲିବ ନାହିଁ। ଆଜିର ଦିନରେ ପୁଲୱାମାରେ ହରାଇଥିବା ଆମର ବୀର ସୈନିକଙ୍କୁ ଆମେ ମନେ ରଖିବା । ସେମାନଙ୍କର ସର୍ବୋଚ୍ଚ ବଳିଦାନକୁ ଆମେ କେବେବି ଭୁଲି ପାରିବୁ ନାହିଁ । ସେମାନଙ୍କର ସାହସ ଆମକୁ ଏକ ଶକ୍ତିଶାଳୀ ତଥା ବିକଶିତ ଭାରତ ଗଠନ ପାଇଁ ପ୍ରେରଣା ଯୋଗାଉଛି ବୋଲି ଏକ ଟୁଇଟ୍ରେ କହିଛନ୍ତି ପ୍ରଧାନମନ୍ତ୍ରୀ।
Remembering our valorous heroes who we lost on this day in Pulwama. We will never forget their supreme sacrifice. Their courage motivates us to build a strong and developed India.
— Narendra Modi (@narendramodi) February 14, 2023
କେନ୍ଦ୍ର ଗୃହମନ୍ତ୍ରୀ ମାତି ଶାହା ମଧ୍ୟ ପତିତ ହିରୋମାନଙ୍କୁ ଶ୍ରଦ୍ଧାଞ୍ଜଳି ଜଣାଇ କହିଛନ୍ତି ଯେ ଆତଙ୍କବାଦ ବିରୋଧରେ ଲଢେଇରେ ସେମାନଙ୍କର ସାହସିକତା ଏବଂ ଅଦମ୍ୟ ସାହସ ସର୍ବଦା ପ୍ରେରଣା ରହିବ। ୨୦୧୯ ମସିହାରେ ଏହି ଦିନ ପୁଲୱାମାରେ ହୋଇଥିବା ଭୟଙ୍କର ଆତଙ୍କବାଦୀ ଆକ୍ରମଣରେ ପ୍ରାଣ ହରାଇଥିବା ସାହସୀ ସୈନିକଙ୍କୁ ମୁଁ ଶ୍ରଦ୍ଧାଞ୍ଜଳି ଅର୍ପଣ କରୁଛି। ଦେଶ ସେମାନଙ୍କ ବଳିଦାନକୁ କେବେ ଭୁଲି ପାରିବ ନାହିଁ ବୋଲି ଟ୍ୱିଟ କରି କହିଛନ୍ତି ଶାହା ।
କଂଗ୍ରେସ ମୁଖ୍ୟ ମଲ୍ଲିକାର୍ଜୁନ ଖଡଗେ ପୁଲୱାମାରେ ପ୍ରାଣ ହରାଇଥିବା ଯବାନମାନଙ୍କୁ ଦେଶର ସେବାରେ ସେମାନଙ୍କର “ଅଦମ୍ୟ ବୀରତ୍ୱ ଏବଂ ସାହସ” ପାଇଁ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ। ସୂଚନା ଥାଉ କି ଫେବୃଆରୀ ୧୪, ୨୦୧୯ ରେ ପାକିସ୍ତାନ ସମର୍ଥିତ ଜୟସ-ଇ -ମହମ୍ମଦଙ୍କ ଆତ୍ମଘାତୀ ବିସ୍ଫୋରଣକାରୀ ଜମ୍ମୁ-କଶ୍ମୀରର ପୁଲୱାମା ଜିଲ୍ଲାର ସୁରକ୍ଷା ବାହିନୀ କନଭେନରେ ଆତ୍ମଘାତୀ ବିସ୍ଫୋରଣ କରିବା ପରେ ୪୦ ଯବାନଙ୍କ ମୃତ୍ୟୁ ଘଟିଥିଲା । ଏହି ଘଟଣା ପରେ ସାରା ଦେଶରେ ଆକ୍ରୋଶର ବଢିଥିଲା। ଏହି ଆକ୍ରମଣକ ସାରା ବିଶ୍ବରେ ନିନ୍ଦା କରଯାଇଥିଲା । ପୁଲଓ୍ବାମା ଆକ୍ରମଣର କିଛି ଦିନ ପରେ, ଫେବୃଆରୀ ୨୬ ରେ ଭାରତ ପାକିସ୍ତାନର ବାଲାକୋଟରେ ଥିବା ଜେଏମ ଆତଙ୍କବାଦୀ ଶିବିର ଉପରେ ଏୟାର ଷ୍ଟ୍ରାଇକ କରି ବହୁ ସଂଖ୍ୟାରେ ଆତଙ୍କବାଦୀଙ୍କୁ ହତ୍ୟା କରିଥିଲା।