ଝୁମ୍ପୁଡ଼ି କୁଡ଼ିଆରେ ବିତୁଛି ଜୀବନ
ନବରଙ୍ଗପୁର (ବଡ଼ ଖବର ବ୍ୟୁରୋ): ଝୁମ୍ପୁଡ଼ି କୁଡିଆରେ ବିତୁଛି ଜୀବନ । ଏଭଳି ଦୃଶ୍ୟ ଦେଖିବାକୁ ମିଳିଛି ନବରଙ୍ଗପୁର ଜିଲ୍ଲା ତେନ୍ତୁଳୀଖୁଣ୍ଟି ବ୍ଲକ କଣ୍ଟାଗାଁ ପଂଚାୟତର ମେରେଇ ଗ୍ରାମରେ । ମେରେଇ ଗ୍ରାମର ଭଗତ ହରିଜନ । ବୟସ ୭୦ ପାଖାପାଖି ହେବ । ସେ ଆଜକୁ ୧୦ବର୍ଷ ହେବ ନିଜର ଘର, ଜମି କିଛି ନଥିବା ଯୋଗୁଁ ଗାଁ ମୁଣ୍ଡରେ ଥିବା ଏକ ବିଲ ନିକଟରେ ଛେଳି କୁଡ଼ିଆ ସଦୃଶ୍ୟ ଭଙ୍ଗା କୁଡ଼ିଆରେ ଭିକ ମାଗି ବିତାଉଛନ୍ତି ଜୀବନ ।
ନିଜ ସ୍ତ୍ରୀ ଆଜକୁ ୧୦ ବର୍ଷରୁ ଊଦ୍ଧ୍ୱର୍ ହେବ ଘର ଛାଡି ଚାଲିଯାଇଥିବା ବେଳେ ଝିଅ ଅନ୍ୟତ୍ର ବିବାହ ହୋଇ ଚାଲିଗଲା । ପରେ ଭଗତ ଏକୁଟିଆ ନିଜର ଏକ କୁଡ଼ିଆରେ ରହି ନିଜର ପୁରୁଣା ରାସନ କାର୍ଡରେ ୧୦କେଜି ଚାଉଳ ପାଉଥିଲା ଏବଂ ବାହାରେ କୁଲି ମଜୁରି କରି ଚଲିଯାଉଥିଲେ । ଆଜକୁ ଏକ ବର୍ଷ ହେବ କୌଣସି କାରଣ ଯୋଗୁଁ ବିଚରା ଭଗତଙ୍କର ଚାଉଳ ମିଳିବା ବନ୍ଦ ହୋଇଗଲା ।
ଭଗତଙ୍କ କହିବା ଅନୁଯାଇ ସେ ଚାଉଳ ପାଇଁ ବାରମ୍ବାର ପଂଚାୟତରେ ଅଭିଯୋଗ କରିଥିଲେ ହେ କେହି ଶୁଣି ନଥିଲେ । ବାର୍ଦ୍ଧକ୍ୟ ଭତ୍ତା ପାଇଁ ବି ସେ ବହୁ ଲୋକଙ୍କ ନିକଟରେ ଗୁହାରି କରିଥିଲେ । ଭତ୍ତା ପାଇବାରୁ ବଞ୍ଚିତ ଭଗତ ଏବେ ଭିକ ମାଗି ଖରା ବର୍ଷା ସହି ଝୁମ୍ପୁଡ଼ି ରେ ପଡ଼ିରହିଛନ୍ତି । ଭଗତକୁ ସରକାରଙ୍କ ତରଫରୁ ସମସ୍ତ ସହାୟତା ଯୋଗାଇ ଦେବାପାଇଁ ଭଗତ ହରିଜନ ଦାବି କରିଛନ୍ତି ।