ଲୁଟିନେଲେ ଲକ୍ଷାଧିକ ଟଙ୍କାର ଅଳଙ୍କାର
ବାଲେଶ୍ୱର (ବଡ଼ ଖବର ବ୍ୟୁରୋ): ଟାଙ୍ଗିଆ ଏବଂ ଭୁଜାଲିରେ ଆକ୍ରମଣ କରି ଦୁର୍ବୃତ୍ତମାନେ ଲୁଟିନେଇଛନ୍ତି ଲକ୍ଷାଧିକ ଟଙ୍କାର ସୁନାଗହଣା । ବାଲେଶ୍ୱର ଜିଲ୍ଲା ଖଇରା ବ୍ଲକ ପାଇକାଳପୁରର ଅଳଙ୍କାର ବ୍ୟବସାୟୀ ସୁଦାମ ଚରଣ ସାହୁଙ୍କୁ ଆକ୍ରମଣ କରି ଲୁଟପାଟ ହୋଇଛି । ସାରଡାଙ୍ଗ ବଜାରରେ ଥିବା ଦୋକାନରୁ ସୁଦାମ ଘରକୁ ଫେରୁଥିବା ବେଳେ ଅଲିପୁର-ପାଇକାଳପୁର ମଝିରେ ଦୁର୍ବୃତ୍ତମାନେ ତାଙ୍କ ଗାଡି଼ ଡିକି ଭାଙ୍ଗି ୨ଲକ୍ଷ ଟଙ୍କାର ଅଳଙ୍କାର ଧରି ଚମ୍ପଟ ମାରିଛନ୍ତି । ଆକ୍ରମଣରେ ସୁଦାମ ଗୁରୁତର ଆହତ ହୋଇଛନ୍ତି । ରକ୍ତ ଜୁଡୁବୁଡୁ ଅବସ୍ଥାରେ ପଡ଼ିଥିବା ସୁଦାମଙ୍କୁ ସ୍ଥାନୀୟ ଲୋକେ ଉଦ୍ଧାର କରି ସିମୁଳିଆ ମେଡିକାଲରେ ଭର୍ତ୍ତି କରିଥିଲେ । ଅବସ୍ଥା ସଙ୍କଟାପନ୍ନ ହେବାରୁ ତାଙ୍କୁ କଟକ ବଡ଼ ମେଡିକାଲ ସ୍ଥାନାନ୍ତର କରାଯାଇଛି । ପୋଲିସ ଘଟଣାର ତଦନ୍ତ ଜାରି ରଖିଛି ।