ମୋ ବହିଷ୍କାର ସେମାନଙ୍କ ଶେଷର ଆରମ୍ଭ: ମହୁଆ ମୌଇତ୍ର

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): କ୍ୟାସ୍ ଫର କ୍ୱେରି ମାମଲାରେ ଏଥିକ୍ସ କମିଟି ରିପୋର୍ଟ ପରେ ତୃଣମୂଳ କଂଗ୍ରେସ ସାଂସଦ ମହୁଆ ମୌଇତ୍ରଙ୍କ ସଂସଦ ସଦସ୍ୟତ ରଦ୍ଦ କରାଯାଇଛି। ମହୁଆଙ୍କ ବହିଷ୍କାର ପରେ କଂଗ୍ରେସ ସାଂସଦ ଶଶି ଥରୁର ନିଜର ପ୍ରତିକ୍ରିୟା ଦେଇଛନ୍ତି। ସେ କହିଛନ୍ତି, ଆସନ୍ତା ୨୦୨୪ ରେ ହେବାକୁ ଥିବା ନିର୍ବାଚନରେ ମହୁଆ ଦୁଇଗୁଣ ଭୋଟ୍ ସହିତ ଜିତିବେ। ଇଣ୍ଡିଆ ମେଣ୍ଟ ତାଙ୍କ ସହ ଅଛି ।

ଶୁକ୍ରବାର ଲୋକସଭାରେ ଆଲୋଚନା ପରେ ମହୁଆ ମୌଇତ୍ରଙ୍କୁ ବହିଷ୍କାର କରାଯାଇଥିଲା। ମହୁଆଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରି ଚେୟାରମ୍ୟାନ୍ ଓମ୍ ବିର୍ଲା କହିଛନ୍ତି ଗୃହର ସମ୍ମାନ ରକ୍ଷା କରିବା ପାଇଁ ବେଳେବେଳେ କଠିନ ନିଷ୍ପତ୍ତି ନିଆଯାଏ। ତାଙ୍କ ବହିଷ୍କାର ପରେ ବିରୋଧୀ ସାଂସଦମାନଙ୍କ ସହ ବାହାରକୁ ଯାଉଥିବାବେଳେ ମହୁଆ ଗଣମାଧ୍ୟମକୁ କହିଛନ୍ତି ଯେ ମୋର ବହିଷ୍କାର ହେଉଛି ସେମାନଙ୍କର ଶେଷର ଆରମ୍ଭ।