![](https://i0.wp.com/badakhabar.in/wp-content/uploads/2021/03/boardexams444.jpg?fit=860%2C430&ssl=1)
ନୂଆଦିଲ୍ଲୀ(ବଡ ଖବର ବ୍ୟୁରୋ): ରାଜ୍ୟର ୩୦ ଟି ଜିଲ୍ଲାରେ NEET UG 2021 ପରୀକ୍ଷା କେନ୍ଦ୍ର କରାଇବାକୁ ଓଡିଶା ସରକାର ଏନଟିଏକୁ ଅନୁରୋଧ କରିଛନ୍ତି । ରାଜ୍ୟରେ କରୋନା ମହାମାରୀ ପରିସ୍ଥିତିକୁ ଦୃଷ୍ଟିରେ ରଖି ଅତିରିକ୍ତ ମୁଖ୍ୟ ଶାସନ ସଚିବ ତଥା ସ୍ୱାସ୍ଥ୍ୟ ଓ ପରିବାର କଲ୍ୟାଣ ସଚିବ ପିକେ ମହାପାତ୍ର ଏହି ଅନୁରୋଧ କରିଛନ୍ତି । ସୋମବାର ପିକେ ମହାପାତ୍ର ଏନଟିଆର ମହାନିର୍ଦ୍ଦେଶକ ଭିନେଟ ଯୋଶୀଙ୍କୁ ଲେଖିଥିବା ଏକ ଚିଠିରେ କହିଛନ୍ତି, ଯେ ରାଜ୍ୟର ନିବେଦନକୁ ବିଚାରକୁ ନିଆଯିବା ଉଚିତ । ଓଡିଶାରେ ସାତୋଟି ସହରାଞ୍ଚଳରେ ପରୀକ୍ଷା କେନ୍ଦ୍ର କରିବାକୁ ଏନଟିଏ ବିଜ୍ଞପ୍ତି ପ୍ରକାଶ କରିଛି । ଅନୁଗୁଳ, ବାଲେଶ୍ୱର, ବ୍ରହ୍ମପୁର, ଭୁବନେଶ୍ୱର, କଟକ, ରାଉରକେଲା ଏବଂ ସମ୍ବଲପୁରରେ ହେବ ପରୀକ୍ଷା କେନ୍ଦ୍ର ।
କରୋନା ମହାମାରୀକୁ ଦୃଷ୍ଟିରେ ରଖି ଏନଇଇଟି ୟୁଜି ୨୦୨୧ ପରୀକ୍ଷା ପାଇଁ ଅଳ୍ପ କିଛି ପରୀକ୍ଷା କେନ୍ଦ୍ର କରିଛି । ବିଭିନ୍ନ ଜିଲ୍ଲା ପ୍ରଶାସନ ଦ୍ୱାରା ବାରମ୍ବାର ଲକଡାଉନ ଏବଂ ସଟଡାଉନ ହେତୁ ଛାତ୍ରଛାତ୍ରୀଙ୍କ ଉପରେ ଆହୁରି ପ୍ରଭାବ ପଡିବ ବୋଲି ପିକେ ମହାପାତ୍ର ଚିଠିରେ ଉଲ୍ଲେଖ କରିଛନ୍ତି। ଭୌଗଳିକ ଦୃଷ୍ଟିରୁ ପରୀକ୍ଷା କେନ୍ଦ୍ରଠାରୁ ବହୁ ଦୂରରେ ଆଦିବାସୀ ଅଞ୍ଚଳ ରହିଛି । ଯେଉଁଥିପାଇଁ ଛାତ୍ରଛାତ୍ରୀମାନେ ଏନଇଇଟି ୟୁଜି ପରୀକ୍ଷା ଦେବାରୁ ବଞ୍ଚିତ ହୋଇପାରନ୍ତି ।