ସାଂସଦ-ବିଧାୟକଙ୍କ ଅପରାଧିକ କାର୍ଯ୍ୟକଳାପ, ୧୫୧ ମାମଲାରୁ ୫୮ ଧର୍ତ୍ତବ୍ୟ
ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଦେଶରେ ବିଭିନ୍ନ ସ୍ଥାନରେ ଥିବା ସ୍ୱତନ୍ତ୍ର ସିବିଆଇ କୋର୍ଟରେ ଅନେକ କାର୍ଯ୍ୟରତ ଓ ପୂର୍ବତନ ସାଂସଦ ଏବଂ ବିଧାୟକଙ୍କ ନାଁରେ ୧୫୧ ଟି ମାମଲା ରୁଜୁ ହୋଇଛି । ସେଥିମଧ୍ୟରୁ ୫୮ ଟି କେସ ରହିଛି , ସାଂସଦ ମାନେ ଦୋଷୀ ସାବ୍ୟସ୍ତ ହେଲେ ସେମାନଙ୍କୁ ଆଜୀବନ ଜେଲଦଣ୍ଡ ମିଳିବ । ତେବେ ଏହା ମଧ୍ୟରୁ ଏକ ତୃତୀୟାଂଶ କେସରେ ଟ୍ରାଏଲ ଅତ୍ୟନ୍ତ ଧିମା ଗତିରେ ଚାଲିଛି ।
ବହୁତ ବର୍ଷ ତଳେ ଘଟଣା ଘଟିଥିଲେ ମଧ୍ୟ ସେମାନଙ୍କ ବିରୋଧରେ ଚାର୍ଜଫ୍ରେମ ହୋଇନାହିଁ । ଆଜି ଏମାମଲାରେ ସୁପ୍ରିମକୋର୍ଟଙ୍କୁ ଅବଗତ କରାଯାଇଛି । ୨୦୧୬ରେ ଆଇନଜୀବୀ ଅଶ୍ୱିନୀ କୁମାର ଉପାଧ୍ୟାୟ କାର୍ଯ୍ୟରତ ଓ ପୂର୍ବତନ ସାଂସଦ ଏବଂ ବିଧାୟକଙ୍କ ବିରୋଧରେ ଥିବା ମାମଲା ଗୁଡିକ ଶୁଣାଣି ତ୍ୱରାନ୍ୱିତ କରିବାକୁ ଫାଷ୍ଟଟ୍ରାକ୍ ବ୍ୟବସ୍ଥା କରିବାକୁ ଆବେଦନ କରିଥିଲେ ।
ଏହି ଆବେଦନ ପରେ ସୁପ୍ରିମକୋର୍ଟ ଆଇନଜୀବୀ ବିଜୟ ହନସାରିଆଙ୍କୁ ମାମଲାରେ ସହଯୋଗ କରିବା ପାଇଁ ଆମିକସକ୍ୟୁରୀ ଭାବେ ନିଯୁକ୍ତି କରିଥିଲେ । ସେ ରିପୋର୍ଟ ପ୍ରସ୍ତୁତ କରି ସୁପ୍ରିମକୋର୍ଟଙ୍କ ଆଗରେ ଉପସ୍ଥାପନା କରିଛନ୍ତି । ୧୪ ତମ ରିପୋର୍ଟରେ କୁହାଯାଇଛି ଯେ ୧୫୧ ଟି କେସ ବିଭିନ୍ନ ସ୍ୱତନ୍ତ୍ର ସିବିଆଇ କୋର୍ଟରେ ଟ୍ରାଏଲ ଅପେକ୍ଷାରେ ରହିଛି । ଏହାସହ ୫୧ ଟି କେସରେ ଦୋଷୀଙ୍କୁ ଦୋଷୀଙ୍କୁ ଆଜୀବନ ଜେଲଦଣ୍ଡ ମିଳିପାରିବ ।
