ଏମଏସଏମ କ୍ରିକେଟ ଟୁର୍ଣ୍ଣାମେଣ୍ଟ: ବାଜିମାରିନେଲା ବାଲୁଗାଁ
ବାଣପୁର(ବଡ଼ ଖବର ବ୍ୟୁରୋ): ସନରାଇଜ କ୍ଲବ ଓଡଗାଁ ଆନୁକୂଲ୍ୟରେ ସ୍ଥାନୀୟ ହାଇସ୍କୁଲ ପଡିଆରେ ମଧୁସୂଦନ ମେମୋରିଆଲ ୨୫ତମ ଜିଲ୍ଲାସ୍ତରୀୟ କ୍ରିକେଟ ଟୁର୍ଣ୍ଣାମେଣ୍ଟ ଆରମ୍ଭ ହୋଇଯାଇଛି । ଏହି ଟୁର୍ଣ୍ଣାମେଣ୍ଟରେ ଖୋର୍ଦ୍ଧା, ଭୁବନେଶ୍ୱର, ନୟାଗଡ଼ ଓ ବଲାଙ୍ଗୀର ଜିଲ୍ଲାରୁ ୮ଟି ଦଳ ଯୋଗ ଦେଇଛନ୍ତି । ଉଦଘାଟିତ ମ୍ୟାଚରେ ଏକ ପ୍ରତିଦ୍ୱନ୍ଦ୍ୱିତା ମୂଳକ ମ୍ୟାଚରେ ବାଲୁଗାଁର ଲିଜେଣ୍ଡ ଇଲେଭେନ ବାଣପୁରର ଇଲେଭେନ ଷ୍ଟାରକୁ ହରାଇ ବିଜୟ ହାସଲ କରିଛି । ଉଦ୍ଘାଟନ ଦିବସରେ ସ୍ଥାନୀୟ ସରପଞ୍ଚ ଦୀପକ ପ୍ରଧାନ ମୁଖ୍ୟ ଅତିଥି ଓ ବିଭୁତି ପରିଡା ସମ୍ମାନନୀୟ ଅତିଥି ଭାବେ ମ୍ୟାଚ ଉଦଘାଟନ କରିଥିଲେ । ଖେଳ ପରିଚାଳନା ରଞ୍ଜୀତ ପରିଡା ଓ ପ୍ରଦୀପ ପ୍ରଧାନ କରିଥିଲେ । ସନ୍ସାଇନ କ୍ଳବର କର୍ମକର୍ତ୍ତା ରାମ ପରିଡା, ପ୍ରିୟରଞ୍ଜନ ପ୍ରଧାନ ଓ ସନ୍ତୋଷ ପ୍ରଧାନ କାର୍ୟ୍ୟକ୍ରମ ପରିଚାଳନା କରିଥିଲେ ।