ଚମକିଲେ ମହମ୍ମଦ ସିରାଜ

ଭୁବନେଶ୍ୱର (ବଡ଼ ଖବର): ଚତୁର୍ଥ ଦିନରେ ଚମକିଲେ ମହମ୍ମଦ ସିରାଜ । ଚତୁର୍ଥ ଦିନରେ ୫ଟି ୱିକେଟ ଅକ୍ତିଆର କରି ଭାରତକୁ ଏକ ଆଶା ଦେଇଛନ୍ତି ସିରାଜ । ତୃତୀୟ ଦିନ ଖେଳ ଶେଷ ସୁଦ୍ଧା ଅଷ୍ଟ୍ରେଲିଆ ଦ୍ୱିତୀୟ ଇନିଂସରେ ବିନା ୱିକେଟରେ ୨୧ ରନ ସଂଗ୍ରହ କରିଥିଲା । ଚତୁର୍ଥ ଦିନ ଆରମ୍ଭରୁ କଙ୍ଗାରୁ ଓପନର ଡେଭିଡ ୱାର୍ଣ୍ଣର ଓ ମାର୍କଶ ହାରିସ୍ ଭଲ ଆରମ୍ଭ କରିଥିଲେ । ଉଭୟ ପ୍ରଥମ ୱିକେଟ ପାଇଁ ୮୯ ରନରେ ପାର୍ଟନରସିପ୍ କରିଥିଲେ । ସାର୍ଦ୍ଦୁଲ ଠାକୁର ଭାରତକୁ ଦେଇଥିଲେ ପ୍ରଥମ ଝଟକା । ପ୍ରଥମ ୱିକେଟ ପରେ ଲଗାତର ଭାବରେ ୱିକେଟ ଅକ୍ତିଆର କରି ବ୍ୟାକଫୁଟରେ ରଖିଥିଲା କଙ୍ଗାରକୁ । ଅଷ୍ଟ୍ରେଲିଆ ଦ୍ୱିତୀୟ ଇନିଂସରେ ୨୯୪ ରନ କରିଛି । ଭାରତ ପକ୍ଷରୁ ମହମ୍ମଦ ସିରାଜ ୫ଟି, ସାର୍ଦ୍ଦୁଲ ଠାକୁର ୪ଟି ଓ ୱାସିଂଟନ ସୁନ୍ଦର ଗୋଟିଏ ୱିକେଟ ଅକ୍ତିଆର କରିଥିଲେ । ଭାରତକୁ ଏହି ମ୍ୟାଚ ଜିତିବାକୁ ହେଲେ ୩୨୮ ରନର ଆବଶ୍ୟକ । ଅନ୍ୟପଟେ ଚତୁର୍ଥ ଦିନରେ ବର୍ଷା ବାଧକ ସାଜିଛି । ଚତୁର୍ଥ ଦିନ ଖେଳ ଶେଷ ସୁଦ୍ଧା ଭାରତ ବିନା ୱିକେଟରେ କରିଛି ୪ ରନ ।