ସମ୍ଭାବ୍ୟ ବାତ୍ୟା ନେଇ ଦୀଘାରେ ଏନଡିଆରଏଫର ପହରା

ଜଳେଶ୍ୱର (ବଡ଼ ଖବର ବ୍ୟୁରୋ): ଆସୁଛି ଘୂର୍ଣ୍ଣିଝଡ଼ “ମୋକା” । ପଡ଼ୋଶୀ ରାଜ୍ୟ ପଶ୍ଚିମବଙ୍ଗର ସୈକତ ନଗରୀ ଦୀଘା ବେଳାଭୂମିରେ ପହରା ଦେଉଛନ୍ତି ଏନଡିଆରଏଫରର ଏକ ଟିମ। ପଶ୍ଚିମବଙ୍ଗ ପ୍ରଶାସନ ପକ୍ଷରୁ ମୋକା ଝଡ଼ ନେଇ ସତର୍କତା ଜାରି କରାଯାଇଛି । ମାଇକ ଜରିଆରେ ସତର୍କତା ମୂଳକ ପ୍ରଚାର କରୁଛି ଏନଡିଆରଏଫରର ଏକ ସ୍ୱତନ୍ତ୍ର ଟିମ ।

୧୨ ଓ ୧୩ରେ ଘୁର୍ଣ୍ଣିଝଡ଼ ଉଗ୍ରରୂପ ଧାରଣ କରିବାର ସମ୍ଭାବନାକୁ ନେଇ ସମସ୍ତ ପର୍ଯ୍ୟଟକମାନଙ୍କୁ ସମୁଦ୍ର ବେଳାଭୂମିକୁ ନଯିବାକୁ କୁହାଯାଇଛି । ମତ୍ସ୍ୟଜୀବୀମାନଙ୍କୁ ମଧ୍ୟ ଏହି ଦୁଇଦିନ ସମୁଦ୍ର ଭିତରକୁ ମାଛ ଧରିବା ପାଇଁ ଯିବାକୁ ବାରଣ କରାଯାଇଛି। ଏନଡିଆରଏଫରର ଏହି ଟିମ ଉପକୂଳବର୍ତ୍ତୀ ଗ୍ରାମାଞ୍ଚଳରେ ମଧ୍ୟ ମାଇକ ଧରି ଗ୍ରାମବାସୀ ମାନଙ୍କୁ ସତର୍କ ରହିବାକୁ ପରାମର୍ଶ ଦେଉଛନ୍ତି ।