Before Header

ନବୀନଙ୍କୁ ମନାଇଲେ ନୀତିଶ

ଏନଡିଏକୁ ସମର୍ଥନ କରିବ ବିଜେଡି !

0 16

ନୂଆଦିଲ୍ଲୀ/ଭୁବନେଶ୍ୱର: ରାଜ୍ୟସଭା ଉପାଧ୍ୟକ୍ଷ ପଦବୀକୁ ନେଇ ଉଷ୍ମ ହେଉଛି ରାଜନୀତି । ଏନଡିଏର ପ୍ରାର୍ଥୀଭାବେ ନାମାଙ୍କନ ଭରିଛନ୍ତି ଜେଡିୟୁର ହରିବଂଶ ନାରାୟଣ ସିଂ । ସେପଟେ ବିରୋଧୀ ଏକାଠି ହୋଇ ଜଣକୁ ପ୍ରାର୍ଥୀ କରିବେ ବୋଲି ଘୋଷଣା କରିଛି କଂଗ୍ରେସ । ରାଜ୍ୟସଭା ସଂଖ୍ୟା ଦୃଷ୍ଟିରୁ ଲଢେଇ ରୋଚକ ହେବ ବୋଲି ଆଶା କରାଯାଉଛି । ଠିକ୍ ଏତିକି ବେଳେ ଗୁରୁତ୍ୱପୂର୍ଣ୍ଣ ପାଲଟିଛି ବିଜୁ ଜନତା ଦଳର ସଂଖ୍ୟା । ରାଜ୍ୟସଭାରେ ବିଜେଡିର ସଂଖ୍ୟା ହେଉଛି ୯ । ଉଭୟ ଏନଡିଏ ଓ ୟୁପିଏ ଏହି ସଂଖ୍ୟ ହାତେଇବାକୁ ଚେଷ୍ଟା ଚଳାଇଛନ୍ତି । କିନ୍ତୁ ଉଭୟଙ୍କଠାରୁ ସମଦୂରତାର କଥା କହୁଥିବା ବିଜେଡି ସୁପ୍ରିମୋ ନବୀନ ପଟ୍ଟନାୟକ ଏଥର କେଉଁ ପଟେ ସମର୍ଥନ ଅଜାଡିବେ ତାହା ସ୍ପଷ୍ଟ କରିନାହାନ୍ତି । ତେବେ ବିହାର ମୁଖ୍ୟମନ୍ତ୍ରୀ ତଥା ଜେଡିୟୁ ମୁଖ୍ୟ ନୀତିଶ କୁମାର ଆଜି ସକାଳେ ନବୀନଙ୍କ ସହ ଫୋନ ଯୋଗେ କଥା ହୋଇଛନ୍ତି । ହରିବଂଶଙ୍କ ପାଇଁ ସମର୍ଥନ ମାଗିଛନ୍ତି । ଏହି ସୂଚନା ନବୀନ ନିବାସ ସୂତ୍ରରୁ ମିଳିଛି । ହେଲେ ନବୀନ କଣ ରିପ୍ଲାଏ ଦେଲେ ତାହା ଜଣାପଡି ନାହିଁ । କୁହାଯାଉଛି ନବୀନ ନୀତିଶଙ୍କ କଥା ରଖିପାରନ୍ତି । କାରଣ ୧୯ ନିର୍ବାଚନ ପରେ ନବୀନ ବିଭିନ୍ନ ପ୍ରସଙ୍ଗରେ ଏନଡିଏକୁ ସମାଲୋଚନା ବଦଳରେ ସମର୍ଥନ କରୁଥିବାର ଦେଖିବାକୁ ମିଳିଛି । ଏପଟେ ନୀତିଶଙ୍କ ସହ ମଧ୍ୟ ତାଙ୍କର ପୁରୁଣା ଦୋସ୍ତି । ଏହି ଦୋସ୍ତି ଆଧାରରେ ହିଁ ଗତଥର ହରିବଂଶଙ୍କୁ ସମର୍ଥନ କରିଥିଲା ବିଜେଡି । ତେବେ ଏ ନେଇ ନବୀନ ହୁଏତ ସେତେବେଳେ ସ୍ପଷ୍ଟ କରିବେ ଯେତେବେଳେ ୟୁପିଏର ପ୍ରାର୍ଥୀ ନାଁ ସାମ୍ନାକୁ ଆସିବ । ଆସନ୍ତାକାଲି ହେଉଛି ନାମାଙ୍କନର ଶେଷଦିନ । ଆସନ୍ତା ୧୪ରୁ ସଂସଦ ଅଧିବେଶନ ଆରମ୍ଭ ହେବ । ପ୍ରଥମ ଦିନରେ ହିଁ ରାଜ୍ୟସଭା ଉପାଧ୍ୟକ୍ଷ ନିର୍ବାଚନ ସମ୍ଭାବନା ରହିଛି ।

Leave A Reply

Your email address will not be published.