ରାଜ୍ୟ ବଜେଟ୍ ପୂର୍ବରୁ ଓଡ଼ିଶାବାସୀଙ୍କ ମତ ଲୋଡ଼ିଲେ ମୁଖ୍ୟମନ୍ତ୍ରୀ

ଭୁୁବନେଶ୍ୱର (ବଡ଼ ଖବର ବ୍ୟୁରୋ): ବଜେଟ୍ ପୂର୍ବରୁ ଓଡ଼ିଶାବାସୀଙ୍କ ମତ ଲୋଡ଼ିଲେ ମୁଖ୍ୟମନ୍ତ୍ରୀ । ପୂର୍ଣ୍ଣାଙ୍ଗ ବଜେଟ୍ ୨୦୨୪-୨୦୨୫ ପାଇଁ ମତ ଲୋଡ଼ିଲେ ମୋହନ ସରକାର । ୱେବ୍ ସାଇଟ୍, ଇମେଲ୍, ହ୍ୱାର୍ଟସଆପ୍ ଏବଂ ଏସ୍ଏମ୍ଏସ୍ ଜରିଆରେ ମତାମତ ଓ ପରାଶର୍ମ ଦେଇପାରିବେ ଜନତା ।

ଓଡ଼ିଶା ଡଟ୍ ବଜେଟ୍ ଆଟ୍ ଓଡ଼ିଶା ଗଭ୍ ଡଟ୍ ଇନ୍ ଠିକଣାରେ ଇମେଲ୍ କରିପାରିବେ, ହ୍ୱାର୍ଟସ୍ଆପ୍ ନମ୍ବର-୯୪୩୮୧-୬୧୧୧୧ରେ ମେସେଜ୍ କରିପାରିବେ ଏବଂ ସୋସିଆଲ ମିଡ଼ିଆ ଏକ୍ସ, ଫେସବୁକ୍ ଓ ଇନଷ୍ଟାଗ୍ରାମର ଓଡ଼ିଶା ଫାଇନାନ୍ସ ଆକାଉଂଟ ଜରିଆରେ ମତାମତ ଦେଇପାରିବେ । ଏହି ସବୁ ମାଧ୍ୟମରେ ସରକାରଙ୍କ ସହ ଯୋଡ଼ି ହେବାକୁ ରାଜ୍ୟ ସରକାରଙ୍କ ପକ୍ଷରୁ ଅନୁରୋଧ କରାଯାଇଛି । ଆଜିଠାରୁ ୫ ଜୁଲାଇ ପର୍ଯ୍ୟନ୍ତ ଏହି ସୁବିଧା ଉପଲବ୍ଧ ରହିବ ।