ବିଳମ୍ବ ହୋଇପାରେ ପଞ୍ଚାୟତ ନିର୍ବାଚନ

ଭୁବନେଶ୍ୱର(ବଡ଼ ଖବର ବ୍ୟୁରୋ): ରାଜ୍ୟରେ ବିଳମ୍ବରେ ହେବ ପଞ୍ଚାୟତ ନିର୍ବାଚନ । ଏନେଇ ସୂଚନା ଦେଇଛନ୍ତି ରାଜ୍ୟ ନିର୍ବାଚନ କମିଶନଙ୍କ ସଚିବ । ଆସନ୍ତା ବର୍ଷ ମାର୍ଚ୍ଚ ୧୦ ତାରିଖରେ ସରୁଛି ପଞ୍ଚାୟତ ପ୍ରତିନିଧିଙ୍କ କାର୍ଯ୍ୟକାଳ । ତେବେ ଏହା ଆଗରୁ ସୀମା ନିର୍ଦ୍ଧାରଣ ଓ ସଂରକ୍ଷଣ ପ୍ରକ୍ରିୟା ଶେଷ ହେବା କଥା । କିନ୍ତୁ କାର୍ଯ୍ୟ ଶେଷ ହୋଇ ନଥିବାରୁ ନିର୍ବାଚନ ବିଳମ୍ବ ହେବାର ସମ୍ଭାବନା ରହିଛି ।

ସୀମା ନିର୍ଦ୍ଧାରଣ ଓ ସଂରକ୍ଷଣ କାର୍ଯ୍ୟ ଯଥାଶୀଘ୍ର କରିବାକୁ ରାଜ୍ୟ ନିର୍ବାଚନ କମିଶନଙ୍କ ପକ୍ଷରୁ ବାରମ୍ବାର ରାଜ୍ୟ ସରକାରଙ୍କୁ ପତ୍ର ଲେଖାଯାଇଥିଲେ ମଧ୍ୟ ସରକାର ଏହାକୁ ଶେଷ କରିନାହାନ୍ତି । ତେବେ ପୂର୍ବରୁ ଏହି କୋଟା ପ୍ରସଙ୍ଗକୁ ନେଇ ପୌର ନିର୍ବାଚନ ବି ହୋଇ ପାରିନି । ବିନା ଲୋକ ପ୍ରତିନିଧିରେ ଚାଲିଛି ସହରର ପ୍ରଶାସନ । ଆଉ ବର୍ତ୍ତମାନ ଗ୍ରାମାଞ୍ଚଳରେ ବି ସମାନ ଦଶା ହେବାର ଆଶଙ୍କା ଦେଖାଦେଇଛି ।