ଆନ୍ଦୋଳନରୁ ଓହରିଲେ ଶ୍ରମିକ

ପାରାଦୀପ(ବଡ଼ ଖବର ବ୍ୟୁରୋ): ଦୁଇଦିନ ଧରି ଆଇଓସିଏଲରେ ଚାଲିଥିବା ଶ୍ରମିକ ଅଶାନ୍ତିର ଅନ୍ତ ଘଟିଛି । ଶ୍ରମିକଙ୍କ ଶାନ୍ତିପୂର୍ଣ୍ଣ ଆନ୍ଦୋଳନ ଆଗରେ ମୁଣ୍ଡ ନୁଆଁଇଛି ଆଇଓସିଏଲ । ୯ ଦଫା ଦାବି କାର୍ୟ୍ୟକାରୀ କରିବା ପାଇଁ ଆଇଓସିଏଲ ଲିଖିତ ପ୍ରତିଶ୍ରୁତି ଦେଇଛି । ଆନ୍ଦୋଳନରୁ ଓହରିଛି ପାରାଦୀପ- ଏରସମା ଶିଳ୍ପାଞ୍ଚଳ ଶ୍ରମିକ ସଂଘ । କ୍ୟାଣ୍ଟିନ୍ ସୁବିଧା, ଯାତାୟତ ପାଇଁ ବସ ସୁବିଧା, ଗାଡି ପାର୍କିଙ୍ଗ, ପୁରୁଣା ଶ୍ରମିକଙ୍କୁ ଛଟେଇ ନକରିବା, ପ୍ରଭୃତି ୯ ଦଫା ଦାବି ମାନି ନେଇଛନ୍ତି ଆଇଓସିଏଲ କର୍ତ୍ତୃପକ୍ଷ । କିଛିଦିନ ତଳେ ଶ୍ରମିକମାନଙ୍କ ଦାବି ପ୍ରତି ତୈଳବିଶୋଧାନାଗାର କର୍ତ୍ତୃପକ୍ଷଙ୍କ କୋହଳ ମନୋଭାବ ବିରୋଧରେ ଶ୍ରମିକ ଅଶାନ୍ତି ତେଜିଥିଲା । ଗତକାଲି ରାତିରେ ଆଇଓସିଏଲ କର୍ତ୍ତୃପକ୍ଷ ଶ୍ରମିକ ନେତାମାନଙ୍କ ସହିତ ଆଲୋଚନା କରିଛନ୍ତି । ଆଲେଚନା ପରେ ଜାନୁଆରୀ ମଧ୍ୟରେ ଦାବି ପୂରଣ ପାଇଁ ପ୍ରତିଶ୍ରୁତି ଦେଇଥିଲେ । ଆଜି ସକାଳେ ଆନ୍ଦୋଳନରୁ ଶ୍ରମିକ ସଙ୍ଗଠନ ଓହରି ଯାଇଥିଲେ । ଯଦି ଠିକ ସମୟରେ ଦାବି ପୂରଣ ନ ହୁଏ, ଆଇଓସିଏଲକୁ ଅର୍ଥ ନୈତିକ ଅବରୋଧ କରାଯିବ ବୋଲି ଶ୍ରମିକ ସଙ୍ଗଠନ ପକ୍ଷରୁ କୁହାଯାଇଛି ।