ଶିକ୍ଷକ ଓ ଶିକ୍ଷୟିତ୍ରୀଙ୍କୁ ବଦଳି ପାଇଁ ଧାରଣାରେ ଅଭିଭାବକ

ଅନୁଗୁଳ (ବଡ଼ ଖବ ବ୍ୟୁରୋ): ପ୍ରଧାନ ଶିକ୍ଷୟତ୍ରୀଙ୍କୁ ଅନ୍ୟତ୍ର ବଦଳି କରାଯାଉ । ଧାରଣାରେ ବସିଲେ ଛାତ୍ରଛାତ୍ରୀ ଏବଂ ଅଭିଭାବକ । ଅନୁଗୋଳ ଜିଲ୍ଲା ହିସ୍ରିଡା ପ୍ରାଥମିକ ବିଦ୍ୟାଳୟ ଗେଟ ସମ୍ମୁଖରେ ଧାରଣାରେ ବସିଲେ ଛାତ୍ରଛାତ୍ରୀ ଏବଂ ଅଭିଭାବକ । ଏହି ବିଦ୍ୟାଳୟରେ ପ୍ରଥମରୁ ପଞ୍ଚମ ଶ୍ରେଣୀ ପର୍ଯ୍ୟନ୍ତ ଥିବା ବେଳେ ୨୪ ଜଣ ଛାତ୍ରଛାତ୍ରୀ ପାଠ ପଢୁଛନ୍ତି। ଛାତ୍ରଛାତ୍ରୀ ଙ୍କୁ ପାଠ ପଢ଼ାଇବା ପାଇଁ ଦୁଇ ଜଣ ଶିକ୍ଷକ ଅଛନ୍ତି। ରଜନୀ ଭୋଇ ଦୀର୍ଘ ୧୮ ବର୍ଷ ହେଲା ଏହି ବିଦ୍ୟାଳୟ ରେ କାର୍ଯ୍ୟରତ । ସବୁଠାରୁ ବଡ଼ ଆଚାର୍ୟ୍ୟ ର ବିଷୟ ଯେ, ପଞ୍ଚମ ଶ୍ରେଣୀ ଛାତ୍ରଛାତ୍ରୀଙ୍କୁ ପଞ୍ଚକ ପଣିକିଆ ପଚାରିଲେ କହି ପାରୁନାହାନ୍ତି ।

ଶିକ୍ଷକ ଶିକ୍ଷୟିତ୍ରୀମାନେ ପିଲାମାନଙ୍କୁ ସଫଲ ଏବଂ ପନିପରିବା ପାଇଁ ପଠାଯାଉଛି ବୋଲି ଅଭିଭାବକ ମାନେ ଅଭିଯୋଗ କରିଛନ୍ତି। ଏପଟେ ଧାରଣାରେ ବସିଥିବା ଛାତ୍ରଛାତ୍ରୀଙ୍କୁ ପଚାରିବାରୁ ବିଦ୍ୟାଳୟ ରେ ଠିକ୍ ସେ ପାଠପଢ଼ା ହେଉନାହିଁ, ଠିକ୍ ସେ ଶିକ୍ଷକ ଶିକଷୟିତ୍ରୀ ବିଦ୍ୟାଳୟକୁ ଆସୁନାହାନ୍ତି ବୋଲି ଅଭିଯୋଗ କରିଛନ୍ତି । ବିଦ୍ୟାଳୟରେ ଦିଆଯାଉଥିବା ମଧ୍ୟାହ୍ନ ଭୋଜନ ମଧ୍ୟ ଠିକ୍ ସେ ଦିଆଯାଉନଥିବା ଅଭିଯୋଗ କରୁଛନ୍ତି।

ଏନେଇ ଅଭିଭାବକ ଓ ଛାତ୍ରଛାତ୍ରୀ ପ୍ରଧାନ ଶିକ୍ଷୟିତ୍ରୀଙ୍କୁ ଅନ୍ୟତ୍ର ବଦଳି କରିବା ପାଇଁ ଦାବି କରିଛନ୍ତି । ଅନ୍ୟ ଜଣେ ପ୍ରଧାନ ଶିକ୍ଷକଙ୍କୁ ଯଥାଶୀଘ୍ର ନିଯୁକ୍ତି ଦେବା ପାଇଁ ଦାବି କରିଛନ୍ତି। ଦୁଇ ମାସ ପୂର୍ବରୁ ମଧ୍ୟ ଏହି ଭଳି ଭାବେ ଧାରଣାରେ ବସିଥିଲେ ଛାତ୍ରଛାତ୍ରୀ ଏବଂ ଅଭିଭାବକ। ଶିକ୍ଷା ଅଧିକାରୀ ମାନେ ଆସି ପ୍ରତିଶ୍ରୁତି ଦେଇଥିଲେ । କିନ୍ତୁ କିଛି କାର୍ଯ୍ୟକାରୀ ହେଲା ନାହିଁ । ଆଜି ବାଧ୍ୟ ହୋଇ ପୁଣି ଥରେ ଛାତ୍ରଛାତ୍ରୀ ଏବଂ ଅଭିଭାବକ ଧାରଣାରେ ବସିଛନ୍ତି ।