PUCC ବୀମା ନଥିଲେ ଧରିବ ଇ ଡିଟେକ୍ସନ
ଭୁବନେଶ୍ୱର (ବଡ଼ ଖବର ବ୍ୟୁରୋ): ସାବଧାନ ଅମାନିଆ ଗାଡ଼ି ଚାଳକ। ଏଣିକି ଗାଡ଼ିର ବୈଧ ପ୍ରଦୂଷଣ ପ୍ରମାଣପତ୍ର (PUCC) କିମ୍ବା ବୀମା ନଥିଲେ ଆଉ ବର୍ତ୍ତି ପାରିବେ ନାହିଁ। ରାଜ୍ୟରେ ସେପ୍ଟେମ୍ବର ୧ ତାରିଖରୁ ଇ-ଡିଟେକ୍ସନ୍ ସିଷ୍ଟମ୍ କାର୍ଯ୍ୟକାରୀ ହୋଇଛି। ଏଣିକି ପରିବହନ ନିୟମ ଉଲ୍ଲଂଘନ କଲେ ସ୍ୱୟଂଚାଳିତ ଭାବେ ଇ-ଚାଲାଣ କଟିବ। ଗାଡ଼ିର ବୈଧ PUCC ଓ ବୀମା ଦସ୍ତାବିଜ ଅପ୍ଡେଟ୍ କରି ରଖିବା ନେଇ ନିର୍ଦ୍ଦେଶ ଜାରି କରାଯାଇଛି। ରାସ୍ତାରେ ଚଳାଚଳ କରୁଥିବା ପ୍ରତ୍ୟେକ ଗାଡ଼ିର ବୈଧ ପ୍ରଦୂଷଣ ପ୍ରମାଣପତ୍ର ଓ ବୀମା ବାଧ୍ୟତାମୂଳକ କରାଯାଇଛି। ଏନେଇ ରାଜ୍ୟ ପରିବହନ ପ୍ରାଧିକଣ (STA) ପକ୍ଷରୁ ଆଡଭାଇଜରୀ ଜାରି କରାଯାଇଛି।
- ବୈଧ PUCC ଓ ବୀମା ଦସ୍ତାବିଜ୍ ରଖିବା ବାଧ୍ୟତାମୂଳକ
- ସର୍ବସାଧାରଣ ରାସ୍ତାରେ ଚଳାଚଳ କରୁଥିବା ଗାଡ଼ିଗୁଡ଼ିକ ପାଇଁ ପରାମର୍ଶ
- ରାଜ୍ୟ ପରିବହନ ପ୍ରାଧିକରଣ ପକ୍ଷରୁ ସାଧାରଣ ଲୋକଙ୍କୁ ସୂଚନା
- ଦସ୍ତାବିଜ ବିନା ସର୍ବସାଧାରଣ ରାସ୍ତାରେ ଗାଡ଼ି ଚଳାଇଲେ ଚିହ୍ନଟ ହେବେ
- ଇଲେକ୍ଟ୍ରୋନିକ୍ ପଦ୍ଧତିରେ ଚିହ୍ନଟ କରିବ ଇ-ଡିଟେକ୍ସନ ବ୍ୟବସ୍ଥା
- ଇ-ଡିଟେକ୍ସନ ବ୍ୟବସ୍ଥାରେ ଧରାପଡ଼ିବା ପରେ ଜାରି ହେବ ଇ-ଚାଲାଣ
- ସେପ୍ଟେମ୍ବର ୧ ତାରିଖରୁ ଇ-ଡିଟେକ୍ସନ ବ୍ୟବସ୍ଥା କାର୍ଯ୍ୟକାରୀ