ପିପିଲି(ବଡ଼ ଖବର ବ୍ୟୁରୋ): ଯୁବକଙ୍କ ସନ୍ଦେହଜନକ ମୃତ୍ୟୁ। ଆତ୍ମହତ୍ୟା ନା ହତ୍ୟା ତାକୁ ନେଇ ଏବେ ବଢୁଛି ସନ୍ଦେହ । ଯିଏ ଅନ୍ୟକୁ ସାହସ ଦିଏ, ସିଏ କ’ଣ ନେଇ ପାରିଥିବ ଏଭଳି ନିଷ୍ପତ୍ତି। ପିପିଲି ପୌରାଞ୍ଚଳ ୱାଡ ନମ୍ୱର୍ ୧୦ ଡେଲ୍ଟା ଛକରେ ଏକ ଘରୁ ଯୁବକର ମୃତ ଦେହକୁ ଜବତ କରିଛି ପୋଲିସ। ମୃତ ଯୁବକ ଜଣଙ୍କ ହେଲେ ପୁର୍ଣ୍ଣଚନ୍ଦ୍ର ବରାଳ। ବୟସ ୨୨ବର୍ଷ ବୋଲି ଜଣାପଡିଛି। ଘଟଣା ସ୍ଥଳରେ ପିପିଲି ପୋଲିସ ପହଞ୍ଚି ମୃତ ଦେହକୁ ଜବତ କରି ତଦନ୍ତ ଚଳାଇଛି ।
ଯୁବକ ଜଣକ ପିପିଲି ଓ ଆଖପାଖ ଅଞ୍ଚଳରେ ବେଶ ପରିଚିତ ଥିଲେ । ପୁର୍ଣ୍ଣଙ୍କ ମୃତ୍ୟୁରେ ସ୍ତବ୍ଧ ହୋଇପାଡିଛନ୍ତି ପ୍ରିୟଜନ। କୁହାଯାଉଛି କି ପାରିବାରିକହ କଳହ ତାଙ୍କ ମୃତ୍ୟୁର କାରଣ। ଏଭଳି ଏକ ଯୁବ ପ୍ରତିଭାବାନଙ୍କ ମୃତ୍ୟୁକୁ ନେଇ ଉଙ୍କି ମାରିଛି ପ୍ରଶ୍ନ ? ଆତ୍ମହତ୍ୟା କରିଛି କି ତାକୁ କିଏ ହତ୍ୟା କରି ଆତ୍ମହତ୍ୟାର ରୂପ ଦେବା ପାଇଁ ପ୍ରୟାସ କରାଯାଉଛି ତାହା ସାଧାରଣରେ ସନ୍ଦେହ ସୃଷ୍ଟି ହେଇଛି।
