ଦିନରେ ଭ୍ରମ ସୃଷ୍ଟିକଲା କଳାହାଣ୍ଡିଆ ମେଘ

ଜଳେଶ୍ୱର (ବଡ଼ ଖବର ବ୍ୟୁରୋ): ବାଲେଶ୍ୱର ଜିଲ୍ଲା ଭୋଗରାଇ ବ୍ଲକରେ ଦିନରେ ଭ୍ରମ ସୃଷ୍ଟି କଲା କଳାହାଣ୍ଡିଆ ମେଘ । ଅନେକ ଜାଗାରେ ପ୍ରବଳ ବର୍ଷା ସହ ବିଜୁଳି ଘଡ଼ଘଡ଼ି । ସକାଳୁ ସକାଳୁ ମାଡି ଆସିଲା କଳାହାଣ୍ଡିଆ ମେଘ ।  ଆଜି ଚୈତ୍ର ମାସର ପବିତ୍ର ସୋମବାର ଥିବାରୁ ବାବା ଚନ୍ଦନେଶ୍ବରଙ୍କ ପୀଠ ଲୋକାରଣ୍ୟ ହୋଇଥିବା ବେଳେ ପ୍ରବଳ ବର୍ଷା ପାଇଁ ଭକ୍ତ ଶୂନ୍ୟ ହେଲା ମନ୍ଦିର । ପ୍ରବଳ ବର୍ଷା ସାଙ୍ଗକୁ ହାଲୁକା ମାତ୍ରାର ପବନ ବୋହୁଥିବା ବେଳେ ଯାନବାହାନ ଚଳାଚଳ ଠପ ହୋଇଯାଛି । କାଲିଠୁ ୨୧ ତାରିଖ ପର୍ଯ୍ୟନ୍ତ କାଳବୈଶାଖୀ ନେଇ ପାଣିପାଗ ବିଭାଗର ସତର୍କତା ଜାରି କରିଛି । ବଜ୍ରପାତ ସହ ୪୦ କିଲୋମିଟର ବେଗରେ ପବନ ବହିବ ବୋଲି ପୂର୍ବାନୁମାନ କରିଛି ଭୁବନେଶ୍ୱର ପାଣିପାଗ କେନ୍ଦ୍ର । ୯ ଜିଲ୍ଲାକୁ ଅରେଞ୍ଜ, ୪ ଜିଲ୍ଲା ପାଇଁ ୟେଲୋ ୱାର୍ଣ୍ଣିଂ ଜାରିକରାଯାଇଛି ।