ଏସପି ଅଫିସ କଡ଼ରୁ ୩ଲକ୍ଷ ଲୁଟ
ସମ୍ବଲପୁର (ବଡ଼ ଖବର ବ୍ୟୁରୋ): ସମ୍ବଲପୁର ସହରରେ ପୁଣି ସକ୍ରିୟ ହୋଇଛନ୍ତି କଳା ପଲସର ଲୁଟେରା ଗ୍ୟାଙ୍କ । ସମ୍ବଲପୁର ସହରର ଏସପି ଅଫିସଠାରୁ ୧୦୦ ମିଟର ଦୂର ଷ୍ଟେଟ୍ ବ୍ୟାଙ୍କ ମୁଖ୍ୟଶାଖା ସମ୍ମୁଖରୁ ୩ ଲକ୍ଷ ଟଙ୍କା ଭତ୍ତି ବ୍ୟାଗ୍ ଲୁଟି ନେଇଥିବା ଅଭିଯୋଗ ହୋଇଛି । ଏନେଇ ଟାଉନ ଥାନାରେ ଅଭିଯୋଗ ହେବାପରେ ପୋଲିସ ତଦନ୍ତ ଆରମ୍ଭ କରିଛି ।
ଅନ୍ୟପଟେ ଲୁଟେରାଙ୍କୁ ଧରିବା ପାଇଁ ସମ୍ବଲପୁର ପୋଲିସ ୩ଟି ଟିମ ଗଠନ କରି ବିଭିନ୍ନ ସ୍ଥାନରେ ଚଡାଉ ଜାରି ରଖିିଛି। ଗୁରୁବାର ଦିନ ୨.୩୦ ମିନିଟ ସମୟରେ ସମ୍ବଲପୁର କୋଟର ଷ୍ଟାମ୍ପଭେଣ୍ଡର ଘନସ୍ୟାମ ସୁପକାର ଏକ ବ୍ୟାଗ୍ ରେ ୩ ଲକ୍ଷ ଟଙ୍କା ଭତ୍ତି କରି ଷ୍ଟେଟ୍ ବ୍ୟାଙ୍କ ମୁଖ୍ୟ ଶାଖାକୁ ଜମା କରିବାକୁ ଆସିଥିଲେ । ବ୍ୟାଙ୍କ ବାହାରେ ଗାଡି ରଖି ଭିତରକୁ ଯାଉଥିବା ସମୟରେ ୨ ଜଣ ଲୁଟେରା ଏକ କଳା ପଲସରରେ ଆସି ଆଖି ପିଜୁଳାକେ ଟଙ୍କା ଭତ୍ତି ବ୍ୟାକ ଲୁଟନେଇଥିଲେ । ଲୁଟେରାମାନେ ମହାନଦୀର ଦ୍ୱିତୀୟ ବ୍ରିଜ ଦେଇ ଫେରାର ହୋଇଯାଇଥିବା ଅଭିଯୋଗ ହୋଇଛି । ଟାଉନ ଥାନାରେ ଅଭିଯୋଗ ପରେ ପୋଲିସ ଲୁଟେରାଙ୍କୁ ଧରିବା ପାଇଁ ତଦନ୍ତ ଜାରି ରଖିଛି ।